Niagara Falls Tisor Minthang

American Observation Tower in thlakmi

Niagara Falls timi tisor dawh taktak cu, USA le Canada ramri ah a um. Tisor pahnih an um i, tisor lian deuhmi Horseshoe Falls cu Canada ram lei kap ah a um. A dang cu American Falls ti a si i USA ram chungah a um.  Cu tisor pahnih cu a buaktlak in Niagara Falls tiah minsak an si.

Horseshoe Falls hi pe 186 a sang i pe 2,100 a kau. American Falls hi pe 193 a sang i pe 1,100 a kau. Horseshoe Fall cu Niagara River a lian deuhmi zawn ah a um. Niagra River a laiva in Canada-US ramri a si caah, Horseshoe Falls tlawmte lawng hi, USA ram lei ah a um. American Falls cu Niagara River aa thenmi tiva teng nih a chuahpimi a si i, American ram chungah a zapi tein a ummi a si.

Niagara Falls hi Lake Erie tibual in ti a liam i, cu a liammi ti cu Niagara River ti an si. Tiva lianpi a si. Cu tiva cu Baffalo khua kam ah Grand Island timi tikulh dawh taktak nih a then. Cun tiva cu Grand Island nitlak lei deuh an i fon than.

Nitlaklei tlawmpal an luan hnu ah, Goat Island timi tikulh a um than i, Niagara River cu pahnih ah an i then than. Goat Island thlang te ah Three Sisters Islands timi a um than i, Goat Island he hlei in aa peh. Goat Island in a thlanglei ah a luangmi tiva cu a lian deuh. Cucu Canada-US ramri ah a cang i, cu ka ahcun Horseshoe Falls a um. Goat Island in a chaklei ah a ummi tiva cu, a hme deuh i tii zong a tlawm deuh. Cu tiva zong cu a kau ngai i, tikulh pakhat Green Island timi a um than. Cu ka ahcun American Falls a um.

Three Sisters Islands-Goat Island-Green Island hna hi, hlei in an i peh dih i, a karlak vialte hi park nuam taktak an si. Thingkung ramkung a tha i, chawhvah a nuam. Vaa a phunphun an um. Hi hmun chawhvah cu a nuamh lawng si lo in, Niagara Falls tisor thawng a than caah le hro a kual tuk caah tih zong a nung pah i, thinlung phundang ngai a si.

Niagara Falls hi mithla kawk bar a si. A san zong a sang. Tii zong a tam. A tii zong a rit. Ti tam lio ah cun minute pakhat ah tii ton 500,000 an tla. Niagara Falls a va tlaknak kuarpi cu, tiva thuk taktak a si. A lianh zong a lian. Cu tiva cu Lake Ontario ah a va fon. Cu tibual cun St. Lawrence River ah a va chuah i, cun Atlantic Rili ah a va luang.

Niagara Falls kam ah pe 282 in 500 kar sangmi khuacuanhnak tower 4 an um. Canda lei kap ah chaklei cem in Oneida Tower, Skylon Tower le Seagram Tower an si. USA lei kap ah American Observation Tower (AOT) a um i, cucu tilawng cit kan duh caan ah kan tumnak le kainak a si.

Canada le USA cu Rainbow Bridge timi nih a peh. Cucu Canada le USA an i hlatnak a si i, hlei sang le dawh taktak a si. Tisor kam hi, zaan ahcun a rawng a phunphun in an ceuter i aa dawh tuk hringhran. USA leikap tilawng cu The Maid of the Mist tiah min an sak i, cu tilawng cun Horseshoe Falls a tang dengmang tiang kan va cit. Tisor tang hrawng phak ahcun kan ciar viar. Hman zong thlak khawh a si lo. Ruah fak taktak a surmi nakin a tisor nih a kan pehmi a fak deuh.

Niagara Falls hi USA ram i khuaruahhar bik hmunhma pakhat ah aa tel ve mi a si. Khuaruahhar ngai a simi cu American Falls hi kum khat ah lehmah 4-7 kar hnu ah a pil chin lengmang ti a si. 1931 ah American Falls sin lung ton 80,000 tluk a rak min bal cang i, cu nih cun tisor pungsan a thlen ti a si. Kum tam nawn hnu ah Horseshoe Falls a cunglei par in lungtum ton 30,000 tluk a kak i a tla. 1934 ton 200 tluk a ritmi lungtum Table Rock in a kuai than. 1954 ah American Falls le Prospect Point timi khuacuanhnak in, lungpang in lung ton 185,000 tluk a min than i, Niagara River ah an rak tla.

Hi bantuk in tisor chung lung hna kha an minh than lengmang lo nak ding caah, engineering an i zuam. Asinain July 7, 1956 meng cheu tluk sau in lung kha a dotdot in an min i, Niagara River cung i a ummi electric thazaang laknak zong cheu thum cheu hnih cu a rak hrawh ti a si. Riantuantu pakhat zong a rak thi. Million tampi sunghnak a rak chuak. 1965 ah U.S. Army engineers nih tikhamnak an ser i, American Falls hi tii an rak carter i, a chung lung hna an i rawh lo nak ding caah zeitin dah kan tuah lai tiah hlathlainak zong an rak ngei.

Niagara Falls hi geologist zong nih an zoh duh ngaingaimi le hlathlai ngaimi le a kong ca tampi an tialmi a si. Hi Niagara Falls hi hi ka area ah tikhal hna a hnu bik an rak tiit lio caan ah aa sermi a si an ti. Tiikhal nih hin vawlei hi a rak khorh khawh tuk i cuticun tikhaal a tiit tik ah luannak ding lam a kawl i, cuticun vawlei kha thuk pi tiang a khorh i, cun tisor a va sernak a si. Mifim pawl tuaknak ah, Niagara Falls aa sernak hi kum 20,000 nak leng a kai lo ti a si.

Hakha i sianginn kai kai lio ah, "Tuhtah-suai-sung makazine" ka rak rel. Cu makazine ahcun "Niagara Falls ah unau hna vokkuanglawng in an tlaknak, a upa a thihnak le ngakchia pa a nunak kong le zeitin dah cu ngakchia te cu a nun khawh timi scientist nih an fianter ning a si?" timi kong ka rak rel.

Cu capar ahcun, Niagara Falls tih a nunnak le thil khuaruahhar kong tam ngaite an tial. Cu ca ka rel thawk in, Niagara Falls cu hmuh ka duh tuk hringhran. Hi tisor hi zeitik dah ka hmuh khawh ve te lai tiah saduh ka that lengmang.

1997 ah USA ka phan. Ka hawi le cheukhat nih "Niagara Falls kan hmuh cang" an ti ah hin ka rak hngar ngai hna. Pathian remruat ah, 2014 ah Niagara Falls pawng ummi Baffalo Khua i, Lai Baptist Church mino gospel team in kan tlawng hna. Niagara Falls kan va zoh. Cucu a voikhatnak bik ka hmuh a si. Cu lio ahcun camera thathi ka ngeih lo caah hman zong thathi in ka thla kho lo.

2015 CBCUSA MC Retreat cu Washington DC ah kan tuah. Cu meeting ahcun, 2016 MC Retreat cu Lai Baptist Church, Baffalo ah tuah ding in bia kan rak khiah. Cuticun kei zong ka kal kho ve. Ni nikhat cu Niagara Falls zohnak in caan kan pek. Cucu Niagara Falls fiang tein ka hmuh khawh a si i, hman zong tampi ka thlak khawh a si.

A tanglei ah MC Retreat lio i, hmanthlak pawl ka van tar hna. Free te in copy khawh a si.

TABC hawikawm pawl he holtel chungah

Lake Erie in a rak luangmi Niagara River 

Lake Erie in a rak luangmi Niagara River 

Niagara Falls park chung citmi bus pawl

Niagara River tii park pawng luangmi

Goat Island park

Goat Island Park ah a ummi varang hna

Horseshoe Falls ah a va tlami Niagara River 

Niagara River ti kha Horseshoe Falls a tlak lai a si

Niagara Tiva tii kha a va niam ziahmah cang

Niagara Falls aa semnak vivateng pakhat a si

Niagara River tisor Horseshoe Falls ah a tlak lai te

Horseshoe Falls a par a si

Horseshoe Falls kam te ah

Horseshoe Falls cungah a cuangmi 'chuncha' dawh

Horseshoe Falls kam ah Rev. Zam Mang he

Horseshoe Falls aa thawnak a parpazik

Horseshoe Falls kam

Horseshoe Falls tikhu hi khuadawm bantuk in a si

Horseshoe Falls

Horseshoe Falls hi ruah bantuk in a sur i chuncha a um

Horseshoe Falls, Canada lei kap

Horseshoe Falls in Canada lei kap thlakmi

Horseshoe Falls in a chuakmi tikhu

Tosor cungah a langmi chuncha

Horseshoe Falls cung in Canada lei thlakmi

Hawikawm dang hna he Horseshoe Falls kam ah

CBCUSA GS he

Horseshoe Falls in a chaklei kam deuh a si

Zunput area i parking pakhat

Goat Island zunput umnak inn

Zunput hmai ah

American Falls a chuahtertu Niagara Falls tiva teng pakhat

American Falls a semnak tiva

Gaot Island le Green Island pehtu hlei American Falls cung

American Falls ah a va tlami tiva tii cung hlei 

American Falls aa semnak tiva

American Falls aa semnak tiva

American Falls ah a va cangmi tiva a si

American Falls pakhat

Ahnu lei inn sangsang khi Canada ram a si

The Maid of the Mist

American lei khuacuanhnak in thlakmi

Hisor pawng ah lungkua a um i a lutmi an si

Tisor pawng ummi lungkua lutmi an si

American Falls a rak minmi lung pawl an si

Canada ram lei hei thlakmi a si

Canada Tilawng a si

Candada lei cu innlo a tha ngaingai

American Falls 

American Falls

Lungkua lutmi pawl 

Saya Sangte he

American Falls kam ah "catialtu" 

American Falls a par a si. A cung tein hman ka thlak

American Falls ah a va cangmi tiva 

American Falls a luannak tiva hlei cungah

American Falls ah aa cangmi tiva

Park chung i advertisement pawl an si

Park chung aa chawkmi bus 

Canada ram lei kalnak phak lai park

Tilawng citnak ticket an zuarnak 

Ticket cawk kan timh lio

Ticket cawk kan timh lio

Tilawng citnak ticket man pawl 

American Falls

American Falls

Canada lei thlakmi a si

American Observation Tower cung lam

Rainbow Bridge

The Maid of the Mist tilawng

Rainbow Bridge

Tilawng cit ding in kan hngah lio

Canada lei hotel lianmi a si

American tilawng a si

Tilawng cungin thlakmi Rainbow Bridge

American Falls

Tilawng in ka thlakmi American Falls 

American Falls naih tein thlakmi

American Falls naih tein thlakmi

American Falls kam cu ruah bantuk in a sur

Ruah bantuk in a surmi tisor tii a petmi hna

American Observation Towe 

American Falls

American Falls

American Falls hi lung a rak min pah lengmang

American Falls kam lungkua umnak

American Falls

American Falls

Lung min mi ni tisor a niamter deuh

American Falls

Horseshoe Falls

Atanglei vailte hi Horseshoe Falls hmantlak an si. Tisor tii a petmi hi ruah bantuk in a sur caah hmanthlak an fiang tuk lo. Kan kalni hi khua zong a dawm pah tawn caah, a caan ahcun hmanthlak an fiang tawn lo. 

Horseshoe Falls

Horseshoe Falls phak lai cu tih a nung tuk

Horseshoe Falls phak lai te

Horseshoe Falls phak lai cu a fiang kho ti lo

Horseshoe Falls a naihnak bik in ka thlakmi a si

A tanglei hmanthlak hna hi Horseshoe Falls in kan kirlei ah kan cin bu in thlakmi an si. Tii nih a kan peh tuk caah camera a fiang lo ngai tawn.

Horseshoe Falls in kan kir lei ah

Lungcung ah a bu tein a ummi va an si

Kirlei ah Horseshoe Falls ka thlakmi 

Canada lei tilawng a hngak ve mi hna

Tisor tang ummi Niagara River a si

Tilawng citmi cu an i nuam tuk cio hna

Canada lei tilawng citmi pawl

Chuntha hi kan tongh ngacha ko

Chuncha tangah lim a um timi kha si dawh a si ti lo

American Falls tangte um cu tih a nung tuk

Tlaih awk tha sehlaw cu tlaih khawh a si dingmi chuncha

Rainbow Bridge

American Observation Tower (AOT) cungah

Niagara Falls

Niagara Falls

Lam nai deuh hi American Falls a si

Ka uar bikmi hmanthlak

Niagara Falls 

Inn sangpipi khi Canada lei a si

Ka uar bikmi hmanthlak pakhat 

American Observation Tower cung ah

AOT cungah Rev, M. Thawngkam he

American Observation Tower (AOT) in thlakmi

Niagara Falls AOT in thlakmi

Hruaitu kan pa Rev. Ngun Awi he ticket zuarnak hmai ah

Niagara Falls i Casino Innsang

Niagara River hi Lake Erie he a va peh 

Niagara River cung um hlei dawh taktak

Buffalo le Niagara Falls khua karlak hlei

LBC biakinn chung ah donghnak zan pumh

Niagara Falls khua i Casino inn le hotel hna

Niagara Falls hi a voi (2) nak ka phanh a si. Niagara Falls ah zan (3) kan riak. Kan i nuam ngai. A cheu cu Canada lei ah an leng hna. Canada tlawngmi nih an chim tawnmi cu, Canada lei le USA lei hi aa dang tuk hringhran an ti. Zei ca dah USA lei hi, hi tluk in a chiat hnga le Canada lei hi zei ca dah a that deuh tuk hnga? USA ve lo bang zei ca dah Niagara Falls khua hi Canada bantuk in an sersiam ve lo le dawh tein an tuah ve hnga lo timi hi ka fiang thai lo.

Niagara Falls hi khuacaan a nuam i, zan ih a nuam. 2016 MC Retreat cu Laitlang lei in kan riantuanpi hawi pastor tam ngai an rat caah a nuam khun. Khawmpi bantuk a si. Cun Niagara Falls khua hi tourist khua a si caah, minung an hlunghlai tuk hringhran i, chawhvah a nuam. Tlun tak hi sian a si lo. 

Rinni zingka te ah thlahtu hna nih Baffalo International Airport ah a kan thlah. Cu ka in Chicago ah kan Krihfabu mino Gosepel Team kalmi hna sin i va kal ding in, ka zuang ve. 

Tang 10 ka kai lio in a tuanbia ka rak rel lengmangmi tisor a si i, ka mit hrimhrim in ka hmuh tikah ka lawm i ka lunghmuih hringhran. "Nikhatkhat ah ka mit in ka hmuh khawh te lai" timi saduh ka rak that ngam lo. A tuanbia lawng hlah maw ca in kan rel te rua lai tiah ka ruahmi Niagara Falls cu, ka mit in ka hmuh lawng silo in a tii hrimhrim ka kut in ka tongh tik ah, ka lunghmuih hringhran ko. 

Cu tuanbia vialte ka ruah ah, Niagara Falls tiang lam a ka hruaitu Pathian thangthat lo in ka um kho lo i, Niagara Falls in ka kir lei cu, lawmhnak chim cawk lo he inn lei ah ka kir!