ECBC Krihfabu cu March 2009 in "Church" in kan dir. June 2009 in Ohio State University kam ummi, University Baptist Church ah, kan i pum. Cu lio ah minung 100 fai deuhte lawng kan si. Duhsah tein kan karh i, 2011 dih ahcun minung 300 fai kan si. Kan sining le ngeihchiah nih cun a tlinh ruam lo nain, acre 15 renglo a kaumi vawlei an zuarmi cu, zumh ngamnak in kan rak cawk. Cu lio i Krihfabu chairman cu Pu Boi Hu Thang asi.
June 2012 ah closing kan tuah. $145,000.00 kan pek. HeartLand Bank ah tangka kan cawi. 2012 ah farkung phun (3), kung-50 kan cin. Kun 6 an thi i, 44 an nung. Biakinn hmun kan thual dih. 2013 ah mirang far kung 100 chaklei le nichuahlei ramri ah kan cin than. Upa Sang Kung le building committee nih a kan hruai. Thingkung ngaidem a thami kung 10 zong a chaklei kap ah kan bunh.
Remh hlan ahcun hitin a rak bua
2013 kum thawk ah bank loan kan cawimi kan cham khawh. ECBC cu mino tam ngai kan ngeih hna caah, kan fale caah certual kan tuah piak hna. Company tam nawn kan chonh hna. Company pakhat Dublin certual thatha tuahtu SHEPHERD Company nih cun $36,420.00 dih in certual tha ngai kan in tuah piak hna lai an ti. Kan ngeihchiah nih a tlinh lo caah aa deng deuh mi kan kawl than. Landscaping company dang pakhat nih $13,000 dih in kan tuah lai; professional certual phun asi lai lo. Landscaping lawng asi lai an ti.
Atam pah thiamthiam caah aa deng deuhmi kan kawl than. Kan mah tein kawl khawh asi lo. Eric Shaver timi pa nih akan bawmh. Hi lio a kan hruaitu church chairman cu Pu Boi Hu Thang asi. 2013 ah certual cu kan tuah i, $7,333.80 a dih. World Cup i an hman tawnmi certual tia veve an si. Atuahtu cu: "J & W Chemlizer, Inc., 8142 Moris Road, Hilliard, Oh 43026 an si.
Remh hlan ahcun ram sang ngai
2014 in Church chairman, Pu Sui Cung nih a kan hruai. 2014 ah chaklei le nichuahlei vailte thir in kan kulh dih. Kan vawlei himbawm tein um seh ti kan duh caah asi. $12,191.00 a dih. Kum 25 daih ding in kan kulh i, kan fale chan ahcun hinak tha in an kulh te lai. Atuahtu hi GRAVES FENCE COMPANY, 750 River Street, Columbus, Ohio 43222 an si. Hihi aa deng bikmi company an si.
Kulhnak ding caah lam an sial lio
Pe 6 sang thir hruang in kan kulh
Mirang vawlei hnuainak seh asi
2014 ah CYO bawlungchuih zuamnak in kan certual onnak kan tuah. Sunglawi taktak in puai kan tuah i, kan i nuam tuk hringhran hna. Kan zan mangmanh lo mi, hi USA hna ah Bawipa nih a kan phakter lawng siloin, mah kauhkauh vawlei hna a kan pekmi kan hmuh tikah kan i lawmi i, Pathian min kan thangthat.
Hi pangpar zong Bawipa sunparnak langhtertu an si
Hi hmun cu zoh cim lo asi ko. Parking ding asi te lai.
Biakinn hmun ah hin pangpar dawhdawh an par. "Sermi thil vialte hna zong hi Pathian lamkaltu an si dih" timi hi ECBC biakinn hmun phak ahcun asi taktak. Thingkung ramkung dawhdawh an keu. Saveh zong an um. Wetland zong aum. Wetland Scientist nih an zoh i, wetland tha taktak asi tiah an ti. Chungchep zong a vak. Zuu phunphai an tam ngai. Wetland cu US cozah nih tii a thiantertu le pawngkam hninhno tertu asi an ti cah an runven taktakmi hmun an si. Hi wetland ah hin tii dil ding tiah timhlamh asi.
Wetland area ah tii a dilmi
Wetland area ah hitin thingkung dawh an keu
Don le a hawipa le Eric nih kan vawlei an zoh lio. Zeizat in dah kan ngamh lai timi an i caih lio asi. 2013 thal lio asi. Hi lio ah thinkung kan phu rih lo. An rak timi cu thingkung hi phu dih hna seh law, 7,300 kuakap in kan tuah lai an ti.
Don le a hawipa hmun an zoh lio
Upa te nih thinghram an phuk lio asi. Rian har taktak asi.
Don te nih an i hmanmi sehlian pawl an si
Don te nih seh hi phun 4/5 pi an i ken. An seh an lian. Meiti zong an heu taktak. An umkalnak a hlat pah fawn. Eric nih, "Hi tluk kaumi vawlei hi, zeitindah $7,300 dih lawng in an tuah khawh hnga? Ramcin ding si fawn? Aci kan i ring lai an ti fawn? I can't believe it" tiah voi tampi a ti. "An miakmi zeidah aum hnga?" a ti lengmang. Voikhat cu an mah lawng nih an chai ti lo i, minung pakhat ni 3 chung nihlawh pek in an hlan chap rih. Hi tluk deng in kan hmuhmi zong hi, Eric hmang in, Pathian remruat ngai a rak si.
Acunglei seh in vawlei an leh hmasat
Seh lianmi pawl phurhnak truk pawl an si
Kalh hnu ah an cuat than dih
Sehphurtu truck pawl
Cuatlonak hmun cu "Buffer Zone" caah zuah asi
Ram cinnak caah vawlei an manter lio
Vawlei manternak caah seh phun 3 an hman
Area akauh tuk caah pe 10 leng saumi haa in vawlei an manter
Eric nih lunghmuih ngai in a zoh lio
Eric zong aa lunghmuih tuk
Seh (3) in rian an tuan lio asi
Hitin khu-cur in an manter lio asi
Upate thingkung bur mi kung 10 ca khur cawh lio asi
A kan bawm cemtu pa Eri asi
Eric hi mi nuntha le miding taktak asi. US ah kum 18 deng ka um cang i, amah bantuk Mirang hi amah lawng ka hmuh. Kan vawlei ah voi tam tuk a ra. Kan hngalh lo kar zong in kan caah a herh ati ahcun a rak ra tawn. Master plan a kan suaipiaktu asi. A dih hlan deuh ah cozah zungah aa thial ding asi. Ka lim lai ka timi ka lim lo caah tangka ka pe hlah u ati i, pia khat zong kan pe thai lo. Voi tam tuk phone kan i chawn. Voi tam tuk kan i tong. Certual pakhat kong lawngah text voi 170 hrawng kan i kua. Email a tam tuk rih. Minute 45 voikhat cu phone in bia kan i ruah. Hi tluk caan harnak America ah cu bantuk caan pe khomi Mirang cu amah lawng ka hmuh rih.
Don le a hawipa leithuangmi an si. Ahring hi Don asi
Eric le Don hawipa an si
Ram keuh tha lai lo an ti caah thingram lianmi kan char than
Thinghram char in loh-aa pemi cheukhat
Mipi nih hi bantuk in thazaang tampi an chuah. Thinghram vialte kan phuk dih. Hlingbur vialte kan sam dih i kan hlonh dih. Vawleichung ah seh a rawk kho dinmgi lung le thinghram vialte kan lak dih. An cuat hnu zongah lung le thinghram ram keuhnak dawntu ding vialte kan char dih. Cu hnu ah ram cin asi. Kan ram caah thla kan cam. Pathian nih a kan zaangfah i ram tha tein le dawh tein an keu kho.
Ram keuh hnu khuasaik tlakka te (2013 Khuasik caan)
Tlanglawng lam leikap farkung cinmi
Tlanglawng lam leikap farkung cinmi
A voi (1) certual hman CYO Puai (May 2014)
Volunteer ram riammi hna nih ram dawh tein an riam
Eric te nupa farual he
Zoh cimlo ECBC Certual
Avoi 1 nak CYO
Certual On Ni ah philhlonak hmanthlak (2014)
A voi 1 nak CYO puai (2014)
Voi 1 nak CYO (2014)
CYO (2015)
CYO (2015)
$150-250 man kung 10 kan cin (2013)
Area kulhtu nih an rak kulh lio
Chaklei kap farkung cin lio
Nichuahlei kap ah farkung cin lio
ECBC Biakinn Hmun Lengmi Hna
Biakinn hmun kan cawkka June, 2012 in, tu chuan Atanglei Pathian riantuantu vialte hna nih kan Biakinn hmun ah thlacamnak le thluachuah hal piaknak a kan ngeih. An cungah kan i lawm tuk hringhran. Acheu cu an hmanthlak kai chiah lo caah ka chiahmi hnihkhat te ka van tar.
1. Rev. Lian Hre; 2. Rev. Dr. C. Duh Kam; 3. Rev. Dr. Cung Lian Hup; 4. Rev. Dr. Steven Hre Kio; 5. Rev. Dr. Ral Buai; 6. Rev. Dr. Siang Kung; 7. Rev. Dr. Lal Uk; 8. Rev. M. Thawng Kam; 9. Rev. Biak Kung; 10. Rev. Neely Lai Uk; 11. Rev. Lal Pek Lian; 12. Rev. Thawngling Mualhlun; 13. Rev. Lal Cung Awi; 14. Rev. Paul Tum Ceu; 15. Rev. James Tial Lian; 16. Rev. Dr. Herbert Tum Ceu; 17. Rev. Kep Cung; 18. Rev. Dr. Thawng Hnin Zam; Rev. Hrang Kap; 20. Pastor Za Thawng Cin; 21. Rev. Bawi Lian Thawng; 22. Ngun Hei; 23. Rev. Hreng Ling; 24. Rev. David Nuhfer; 25. Rev. Dr. Troy Shaw; 26. Rev. Dr. Lalpekhlu-a Lahnim; Rev. A. Vanlaldingpui-a
Atanglei Laimi biaknak le vawlei lei hruaitu upa cheukhat zong nih kan biakinn hmun zohpiaknak le thazaang peknak a kan ngeih.
1. Pu That Bik (YLBC); 2. Pu Cung Hu (Hakha Blood Bank); 3. Pu Za Bik Bualteng; 4. Pu Thla Hei Bualteng (Chin Foundation); 5. Ralbawi Hrang Tin Thio (CNF); 6. Pu Pu Tial Khar Lian (CYO Pre.); 7. Pu Mang Cung Nung (CBMC chairman); 8. Pu Kep Ling (CBCUSA Treasurer); 9. Salai Daniel Sakhong (CC upa); 10. Salai Tial Hmung (CC President); 11. Pu Hmun Uk; 12. Pu Lal Bat; 13. Pu Sang Hmung (TX); 14. Pu Biak Tin Sang; 15. Thlasui Tluangneh
Rev. Dr. Steven Hre Kio he
Rev. Thawngling Mualhlun le Mino pawl
Rev. Dr. Siang Kung le hawi le pawl he
Pu Tial Khar Lian (CYO President)
Rev. Thawng Hnin Zam le Chairman pa he
Rev. Dr. Siang Kung he
Rev. Dr. Lal UK (GS, CACC)
CNF Ralbawizik Hrang Tin Thio le Pu Tial Hmung (CC)
Rev. Lal Cung Awi le Hawi (Indy Mino pawl)
LIKBK Choir Pawl He
L-in 4 nak khi Rev. Dr. Lakpekhlua Lahnim asi
CBCUSA EM, Chairman le Rev. Lalpekhlua le Pu Zira (MD) an si
Tinhmi le Sawmnak: 2016 ah Biakinn sak thawk ding in le 2017 ah lim ding in saduhthahnak kan ngei. A tlam a tlin khawhnak lai thla rak kan campi ve. ECBC Biakinn hmun cu a ropui taktakmi hmun asi caah, Columbus na phak ahcun len le zoh hrimhrim dingmi hmun pakhat asi.
I-70 in 3-5 minute lawng a hlat caah rak kan leng ve te!!!
