 |
| Bungtla Tisor |
"Lairam cu Pathian nih Laimi a kan pekmi asi. Miphun dang ram asi lo. Lairam zohkhenh kilven hi Pathian nih a pekmi rian asi. Kan ram cu kan dawt lai; a zawn kan ruah lai; kan uar lai i, kan thangthat lai. Kan cawisan lai; kan remh lai i kan thanchoter lai."
--------------------------------
Fimnak, thiamnak, rumnak, dawhnak, nuamhnak, lianhngannak, sunparnak le duh tlinnak ram timi, USA kan phanh zongah, Semnak Lairam te kha kan ngai theu tawn. USA ah ka umnak kum 18 asi cang nain, nifatin in Semnak Lairam hi ka ruat tawn. Ka zanmang ah Lairam voi tam ka phan. Zanmang i hmuh caan ahcun, zingka thawh cu lung a leng ngai.
Zeitluk ramnuam ah um hmanh u sih law, mah semnak ram cu philh khawh asi lo. Mitthlam ah a cuang zungzal. Kan ram te kha, chukcho aleilung chiakha ko hmanh sehlaw, kan ngai theu tawn. Zanmang i ka hmuh zawn ah, zingka thawh khi har ka ti tuk tawn. Nihin ni ah hin, "Khawika ram dah phanh na duh bik?" ka ti hna sehlaw, "Lairam" ka ti lai. Zeicatiah Lairam nakin kan caah a sunglawi deuhmi ram a um lo.
USA cu aa dawh tuk. Dawh ah a tling. Kan umnak Ohio State cu a rawn tuk i, tlang a um setsai lo. Caan saupi cu tlang kan hmu tawn lo. Tlang umnak tete khual kan tlawn caan ah, Lairam kan thei khun. Fing le tlang, tiva le tupi hmuh tikah Lairam mitthlam ah a cuang. Ngaih a um tuk.
Lairam te kha a rak nuam ko. Dawhnak tampi a rak ngei ko. Tluk awk tha lo in thatnak tampi a rak ngei ve ko timi kha ramdang ka phanh hnu in ka fiang chin lengmang. Kan Semnak Lairam te kha mitthlam ah a cuang tuk hringhran.
Lai lei a rami zong Laitlang hmanthlak ka cah theu tawn hna. An ka kua kho tawn lo. Naite ah Saya Buan Thawng Lian cu United Theological Seminary ah MATS kai ding in a rak ra. Laitlang i ka cahmi cu Lairam hmanthlak asi. Amah nih a ka phurhmi chung tete in, atanglei hmanthlak hi ka khumhmi hna. Acungah tampi kai lawm.
Hi hmanthlak hna zoh tikah, Semnak Lairam te hi, thatnak, dawhnak le zoh cimlo a sinak tampi aum ve ko timi kha hmuh khawh asi. Fiang tein hmuh thiam le ruah thiam ahcun, Semnak Lairam hi dawhnak in a rak khat ve ko. Ramdang ram tampi nih an tluk hrimhrim lo. Cu aa dawhnak a cheukhat cu atanglei hmanthlak ah hmuh khawh an si.
 |
| Hakha khualipi |
 |
| Tita Hrawn |
 |
| Vuichip Tlang Atanglei hmanthlak hi Lairam i minthang bik tisor asimi Bungtla Tisor ti asi. Matupi khuapawng ah a um. Lairam ah tourist zong nih an zoh duh ngaimi tisor pakhat asi. |
 |
| Bungtla Tosor |
 |
| Bungtla Tisor |
 |
| Bungtla Tisor |
 |
| Bungtla Tisor |
 |
| Bungtla Tisor Atanglei hmanthlak pawl hi Timit-Tita Hrawn hrawnghrang hmanthlak an si. Timit-Tita Hrawn hi cu aa dawh tuk i, "Chinland California" tiah min ka sak. Zeicatiah USA ah aa dawh bik le minthang bik ramkulh cu California asi. Timit-Tita Hrawn cu California bantuk in aa dawhmi hmun asi. Tita-Timit le Tita hrawng cu aa dawh tuk i, Lairam California asiloah Chinland California tiah min ka sak. Hi hmun ahcun hmailei ah Kawlram movie thatha a chuak ve te lai. Tita Hrawn hi cu lung aleng tuk. US ka kal hlan ah ka ke in voi tamtuk ka hrawnmi asi i, atu zong tlung ning law cu ke in hrawn ka duh rih. Aa dawhnak le a nuamhnak te kha, ke tein hrawn le teh ka duh rih. Mitthlam ah a cuang tuk hringhran. Farkung abubu in artlang in ummi hna hi cin chawmmi an si. Thingram bawi Pu Kim Lai nih 1983-85 karlak hrawngah a rak cinmi an si. Tanghra ka kai lio asi . A nih nih a cin changmang. Hakha khuami cheukhat nih mei in an rak duah changmang. Pawi ka rak ti tuk. Hi farkung hna zoh in, Pu Kim Lai cu Lairam a daw taktakmi pa asi tiah ti khawh asi. Amah nih rak cing hlah sehlaw, hi farkung dawhdawh hi an um hnga lo. Pu Kim Lai hi, hi farkung ruangah, Laimi nih kan philh kho ti lai lo. Far tampi a cin ruangah "min thatnak" pek awk aa tlakmi pa asi. Hi far nih Lairam zeitluk in dah a dawhter? Khua caan zeitluk in dah a thatter? Thli zeitluk in dah a thianter? Kan vawlei zeitluk in dah a hninhnoter timi ruah ah, a man khiah khawh ding asi ti lo. Pu Kim Lai cungah lunglawmhnak chim cawk lo asi. |
 |
| Tita Hrawn |
 |
| Tita Hrawn |
 |
| Tita Hrawn |
 |
| Tita Hawn-Chindland California ti lo awk a tha lo. |
 |
| Tita Hrawn (Hi tluk ram dawh kan rak ngei ve) |
 |
| Chinland California timi cu hihi asi |
 |
| Ramdang ah zahpi ding asilomi ram dawh |
 |
| Len ka caak tuk |
 |
| Pu Kim Lai kutneh zeitluk in dah a that? |
 |
| Hika hrawng len cu ka caak tuk ee? |
 |
| Aa dawh hringhran "Chinland California" |
 |
| Timit Hlei in Hakha kalnak |
 |
| Timit Ngakhur umnak |
 |
| Hi tluk lam dawh kan ngeihmi hi uar a um tuk |
 |
| Timit-Tita aa tonnak |
 |
| Timit le Tita tonnak (Kaladan River Semnak) |
 |
| Hrawn a nuam tuk ding mi lampi |
 |
| Saisihchuaklam (Vuichip Cho chuah) |
 |
| Saisihchuaklam Vuichio cho zawn asi Chinchiah: Saisihchuaklam timi hi Hakha-Thantlang-Thau-Saisihchuak a hrawngmi lam asi. Hmanthlak vialte hi Pastor Buan Thawng Lian thlakmi an si. Acungah lunglawmhnak nganpi ka ngei timi te kha langhter ka duh. |
