Hyperloop Tuah DIng Ah Ruahmi Lampi 10

Vawlei fimthiamnak hi a sang chin lengmang i, a um bal lo zong an umter i, thilthar ser hi an i zuam chin lengmang. Thilthar an ser tik ah a um ballomi zong minthar an sak hna. Naite ah a chuakmi umkalnak lei ah thil thar taktak pakhat cu Hyperlook ti a si. 

Cucu tlanglawng zong a si lo i bus zong a si deuh fawn lo. A rang taktak in a tli dingmi a si i, vanlawng hmanh a chawhkanh khawh lai ti a si. Hyperloop cu electric le magnets timi thir atlai khomi in thazaang laak i a kal dingmi a si. Naite ah Nevada ah an hniksak i, suimilam pakhat ah meng 192 rang in a tli kho i, biatak tein an tuah tik ahcun suimilam pakhat ah meng 650 in 700 tluk in a rang lai ti a si. 

Hi tin peng kha meng tampi an peh lai

Mah hi peng chung ah hin a tli lai

Hyperloop an hniksaknak

A tuahtu company nih vawleicung hmun 10 ah hi hyperloop tuah ding an i tim. Cu hmun 10 lak ahcun Chicago-Columbus-Pittsburgh a pehmi hyperloop tuah ding ah an thim ve. Meng 488 a sau ding a si. Columbus zong ah an rak tlung i an rak zoh len cang. 

A dang khua an thimmi hna cu:

Dallas-Laredop-Houston (Texas, US, meng 640)

Cheyenne-Denver-Pueblo (Colorado, US, meng 360)

Miami-Orlando (Florida, US, meng 257) 

Bengaluru-Chennai (India, meng 208)

Mumbai-Chennai (India; meng 685)

Edinburgh-London (UK, meng 414)

Glasgow-Liverpool (UK, meng 339)

Mexico City-Guadalajara (Mexico, meng 330)

Toronto-Montreal (Canada, meng 400)

Chicago-Columbus-Pittsburgh hyperloop tuah dingmi nih hin, Columbus hrawnghrang hi a zungzal in thil sining a thlen cang lai ti a si. Zeicatiah hi thil hi a ran tuk caah, Chicago le Pittsburgh le Columbus hi a laang in duhpoh in fawi taktak in riantuan khawh asi lai an ti. Cun Chicago hi vanlawng in zuang ti lo in, hyperloop in rang deuh kan umkal kho cang lai ti a si. 

Hihi a taktak ah tuah a har ngai ding a si caah, 2021 ah lam pakhat tal cu on khawh ding in saduh an that. 

------------------------------

Zohchihmi Ca

1. Hyperloop One reveals 10 strongest potential Hyperloop routes in the world (https://techcrunch.com/2017/09/14/hyperloop-one-global-finalists)