Pumh Dih Thluachuah Peknak
Biahmaithi: Nikhat ah upa pakhat nih, "Kan pastor thluachuah pekning le hawi pekning aa lo lo i, midang khua hna nih a kan theih sual ahcun a kan nihsawh sual lai ti kan phang" tiah an ti tiah a ka chimh. Cu bia ka theihnak cu, voi hnih thum a si cang caah, fianternak tuah a hau ko tiah ka ruat i, biakinn chung ah ka fianter. Thluachuah Peknak cu kan tuah lengmang ko i, khawika in dah aa thawk? Zeiti set in dah chim ding a si timi phung a um maw?" timi ruahnak ding caah, hi capar hi ka tialmi a si.
Ruah Palh Lo Ding
Tipil peknak le thluachuah peknak hi aa lo lo. Tipil peknak ahcun "Pa, Fapa le Thiangthlarau" timi min in a changchang tein pek a si (Matthew 28:19). A ruang cu Bible nih cuticun a kan cawnpiak caah a si. Thluachuah peknak tu cu bible ah phun tamtuk a um caah, cu chung in duhmi paoh kha lak i pek a si. Protestant Krihfabu ahcun, hi ti bak in na hman lai timi phung a um lo.
Cucaah pastor cheukhat nih cun kut thlir bu in an tuah. A cheu nih kut thlir lo tuah zong an um. A cheu nih mitchimh bu in an tuah. A cheu nih mit chimh lo in an tuah. A cheu nih ding tein an dir i an tuah i, a cheu cu mit au bu le chawh pah in tuah a si. A ruang cu Bible an rak tial lio ah, thluachuah peknak an tial lio ah hin an mit an i chim theng lo. Mit au bu tein tialm a si.
Thluachuah Peknak (Blessing)
Thluachuah Peknak tiah Lai holh in kan timi hi, Mirang nih "Benediction" tiah an ti. Chanthar biafang in chim ahcun "Blessing" a si ko. Benediction le blessing hi aa khatmi a si. Duhpoh in thlen le hman khawh an si. Benediction a sullam cu "short blessing" ti khi a si ko.
Benediction hi, Pathian biaknak i pumhnak a dih tik ah hmanmi "thuachuah peknak biatawi" a si. Unitedh Methodist Church, Presbyterian, Anglican, Lutheran le Baptist Krihfabu pumhnak ah a donghnak ah "Thluachuah peknak" in kan donghter tawn. Roman Catholic le an mah he aa lomi Krihfabu hna nih "thluachuah peknak an tuahmi cu tlawmte aa dang deuh." RC ahcun thluachuah peknak a tuah khotu hna hi, "father, priest, bishop le pope" an si.
Protestant Krihfabu ahcun, Ordain pastor hna nih benediction hi an tuah tawn. Cucu Baptist Krihfabu nih kan zulh phung a si. Bible ahcun a nih nih tuah seh, a nih nih tuah hlah seh timi cu, rihma khiah piakmi a cu a um lo.
Mirang le Nitlaklei Krihfabu ahcun ordain lo zong nih thitumnak te hna an tuah piak ko hna. Cun thluachuah peknak zong an tuah ko. A ruang pakhat cu Baptist Krihfabu nih, a thianghlimmi biakam fehternak (sacrament) pahnih kan ngei lai ti a si i, cu pahnih tu cu ordain hmumi pastor lawnglawng nih tuah khawh a si. Cu sacrament pahnih cu "Tipil pek le Bawipa zanriah" an si. Hi hna hi cu ordain pastor lo nih cun tuan phung ah ruah a si lo.
Cu phung (tradition) cu kum tampi hmanmi a si caah, nihin ni tiang zulh a si. Lairam missionary zong nih mission field zong ah an rak zulh ve. Tahchunhnak ah, Dr. East zong nih Pau Suan le Thuam Hang te Krihfa zumtu an can lio ah,Dr. East cu a um ko nain tipil a pe hna lo. Rev. Arthur Carson tu kha a hei cah i, tipil a rak pekter hna. A ruang cu Dr. East cu ordain a si lo caah a si. Chim duhmi cu Ordain a silomi nih cun tipil pek le Bawipa zanriah pek hi, Krihfabu tampi nih cun an duh hrimhrim lo.
Asinain protestant Krihfabu tampi ah, thitumhnak, nau chuak thlacamnak, member ca thlacamnak, mithi ruakvui timi te hna hi, "sacrament" ah aa telmi an si lo caah, pastor a simi paoh nih an tuah ko. Cun Nitlakrlei am ahcun thitumhnak licence a ngeimi poh nih, kuhsih thitumnak hi an tuah piak ko hna. Pastor si theng a hau mi a si lo.
Cu ve bantuk in, "thluachuah peknak" (benediction) zong a cheu Krihfabu ahcun ordain a silomi nih an chim ve ko. Cucu Krihfabu an nawl a si. A ruang cu sacrament asilomi paoh ahcun tuahter khawh an si tiah an ruah caah a si.
Tahchunhnak ah, Indianapolis i ICBC Krihfabu an pastor te pahnih-Rev. Tluang Thang le Rev. Lal Cung Awi- hna hi ordain an hmuh hlan ah, Bawipa zanriah pek le Tipil in dah ti lo cu an tuah dih ko. Thitumh kutsihnak zong an tuah i, "Thluachuah peknak" zong an tuah ko. Cucu Lai Krihfabu ahcun phundang ngaite an si nak pakhat a si.
Thlawchuah Pek Tikah Chim Dingmi Bia
Thluachuah Peknak (Benediction) tuah tikah hitin na chim lai timi a um lo. Pastor pakhat nih a mah duh ning tein a hman ko. Bible chung bia a char duh sile a char i, a char duh lo a si le amah tein aa ser i a chim ko. Tinhmi cu, "Pumh dih ah mipi thluachuah vanluh va ham piakta bia khi a si" caah, biachim thiammi nih cun biafang dawhdawh an chap khawh. Cucaah "thluachuah peknak" hi rihma a um lo i, pungsan a um lo i, mah le thiam ning cio in tuah a si ko timi kha fian a herh.
Atu chan motor um hnu le bang ahcun, a cheu pastor cu "God home in peace with mercy and love. Have a safe drive home and may the Lord be with you forever" ti sawh lawng hna an ti i, Fapa min chim le Thiang Thlarau min chim theng a um lo. An mit zong an chim theng lo.
Thluachuah peknak hi zeitin dah a tuanbia aa thawk tiahcun Aaron le a fale chan in aa thawk. Sinai ramcar chung i Israel pawl an vaihvah lio in a rak i thawkmi phung a si. Aron le a fale cu tlangbawi an si i, an mah nih Israel miphun kha hitin thluachuah an rak pek tawn hna:
"Bawipa nih thluachuah in pe hna sehlaw, in zohkhenh ko hna seh..
Bawipa nih a hmai nan cungah tlanter ko seh law in velngeih ko hna seh..
Bawipa nih a hmai in chit hna sehlaw, daihnak in pe ko hna seh..."
(Number 6:24-26)
Khuaruahhar ngai pakhat a simi cu, hi Bible biafang hna an tialnak lungcatial hlun bik hi, naite ah an hmuh. Cu lungcatial cu Jerusalem Temple a voikhatnak sakmi chan i an tialmi a si. Solomon chan a si. Cu lungcatial cu atu ah Jerusalem i a ummi museum ah a um.
Thluachuah Peknak biafang hna hi tampi Biakam Hlun ah an hman ve hna i, Psalm 29:11; 89:52; 121:7,8 hna zong hi an hman ngaimi a si.
Number chung ah hin, hi bantuk thluachuah peknak hi, hmun tampi ah a um. Cucu Israel miphun hna nih an hman lengmang i, "Bawipa nih thluachuah in pe ko seh; Bawipa nih in umpi ko seh; Bawipa nih lam in hruai ko seh; Bawipa nih daihnak in pe ko seh; na cungah daihnak um ko seh..." ti in phun tampi an hman. Cucu thluachuah peknak lawngte an si dih. Thluachuah Peknak ah hin, aa lo ngaimi biafang cu a donghnak hi "SEH" timi lengmang in a dong.
Cucu Bible biakam hlun ah an hman peng i, a phunphun in a um. Cucu Biakam Thar chan a phak tikah, Paul le zultu dangdang hna zong nih Biakam Hlun hmanmi biafang kha an char i, an hman ve.
Aa dangmi tu cu, Biakam Thar ahcun "Bawipa timi le Pathian" timi lawng kha hmang ti lo in, 'Jesuh timi le Thiang Thlarau" timi biafang pahnih kha an chap hna. A caan ahcun Pathian min lawng an chim i, a caan ahcun Jesuh min lawng an chim. A caan ahcun an pahnih min lawng an chim. A caan ahcun "Jesuh le Pathian le Thiang Thlarau" kha an chimkem tawn hna.
Cu bible cang hna cu lak in, USA le nitlaklei ram pastor hna nih, thluachuah peknak bia kha an chim hna. A cheu cu an mit zong an i chim lo. Mit au bu tein chawh pah in an chim ko. A cheu nih cun, motor chan a si caah, "motor na nawmhnak ah him tein inn va phan ko" timi hmanh hi an chim chih rih. Cuticun thluachuah peknak hi a phunphun a um. Mah le siarem ning cio in hman a si.
Biakam Thar ahcun Pauline Epistles timi Paul Cakuat ah hin tam bik kan hmuh. Paul le bible tialtu dangdang nih Thluachuah peknak ah a rak hmanmi bia hna hi tlawmte kan zoh hmanh lai:
1. Rome 16: 24 "Kan Bawipa Jesuh Krih vel cu nan dihlak cungah um ko seh" (Pathian le Thiang Thlarau aa tel lo)
2. 1 Cor. 1:3 "Pathian kan Pa le Bawipa Jesuh Krih nih vel le daihnak in pe ko hna seh" (Thiang Thlarau aa tel rih lo; 2 Cor. 1:2; Galati 1:3; Efesa 1: 2; Filipi 1:2; 2 Thesalon 1: 2).
3. 1 Cor. 16:23 "Bawipa Jesuh vel cu nan cungah um ko seh..Krih Jesuh thawng in kan dawtnak hna cu nan dihlak cungah um ko seh..." (Pathian le Thiang Thlarau aa tel lo; pumpak amah min zong a chim chih rih).
4. 2 Cor. 13:13 "Bawipa Jesuh Krih vel le Pathian dawtnak le Thiang Thlarau he i hawikomhnak cu nan dihlak cungah um ko seh" (Hihi kei nih ka hmanmi a si; a ruang cu a tling bik tiah ka ruah caah a si. Hika hin Thiang Thlarau zong aa tel)
5. Galati 6: 18 "Kan Bawipa Jesuh Krih vel cu nan dihlak cungah um ko seh" (Pathian le Thiang Thlarau aa tel lo; Filipi 4:23; Filemon 1:25).
6. Efesa 6:23-24 " Daihnak le dawtnak cu zumhnak he, Bawipa Jesuh Krih i a Pa le a Pathian nih in pe ko hna seh. A thi kho lomi dawtnak in kan Bawipa Jesuh Krih a dawmi nan dihlak cungah Pathian vel cu um ko seh" (Thiang Thlarau a chim lo).
7. Lolose 1:2b "Pathian kan Pa nih vel le daihnak in pe ko hna seh" (Jesuh Krih min le Thiang Thlarau aa tel lo)
8. Kolose 4:18 b "Pathian vel cu nan cungah um ko seh" (Jesuh Krih min le Thiang Thlarau aa tel lo;
1Timothy 6: 21 b; Hebrew 13:25)
9. 1 Thesalon 1:1 c "Vel le daihnak cu nan ta si ko seh" (Pathian, Jesuh Krih le Thiang Thlarau aa tel lo. Asinain vel le daihnak a ratnak cu Pathian le Jesuh sin in a si ti kha theih chung cia in ruah a si)
10. 1Thesalon 5:28 "Bawipa Jesuh Krih vel cu nan sin ah um ko seh" (Pathian le Thiang Thlarau aa tel lo; Filipi 4:23; 2 Thesalon 3: 18)
11. 1 Timothy 1:1 c "Pathian kan pa le Krih Jesuh kan bawipa nih vel le zaangfahnak le daihnak in pe ko hna seh (Thiang Thlarau aa tel lo).
12. 2 Timothy 1:2 "Pathian kan Pa le kan Bawipa Jesuh Krih nih vel le zaangfahnak le daihnak in pe ko hna seh." (Filemon 1:3; Thiang Thlarau aa tel lo)
13. 2 Timothy 4:22 "Bawipa cu na thlarau sin ah um ko seh. Nan dihlak sinah Pathian vel cu um ko seh" (Thiang Thlarau aa tel lo; Titus 3:15 b)
14. Titus 1:1 b "Pathian kan Pa le Krih Jesuh kan Khamhtu nih vel le daihnak in pe ko hna seh" (Khamhtu timi biafang a chap. Thiang Thlarau cu a telh lo)
15. 1 Peter 1:2 b "Vel le daihnak cu tling khitkhet in nan ta si ko seh" (Pathian, Jesuh Krih le Thiang Thlarau aa tel lo; um ko seh, tlung ko seh timi ai ah ta timi Peter nih a hman)
16. 1 Peter 5:14 b "Khrih ta a simi nan dihlak sinah daihnak um ko seh" (Pathian, Jesuh, Thiang Thlarau timi min a chim lo).
17. 2 Peter 1:2 "Pathian nan hngalhnak thawng le kan Bawipa Jesuh Khrih nan hngalhnak thawngin vel le daihnak cu tlamtling tein nan ta si ko hna seh (ta a hman)
18. Judas 1: 2 "Zaangfahnak le daihnak le dawtnak cu tlamtling tein nan ta si ko hna seh" (ta timi biafang a hmang; Pathian, Jesuh Khrih le Thiang Thlarau a telh hna lo)
19. Roman 1: 7 "Pathian kan pa le Bawipa Jesuh Krih nih vel le daihnak cu in pe ko hna seh" (Thiang Thlarau aa tel lo)
20. Roman 15:13 "Thiang Thlarau thawnnak thawng in nan i ruahchannak cu a than lengmang nakhnga, ruahchannak hram Pathian nih cun, Amah nan zumhnak thawng in lunglawmhnak le daihnak he in khahter ko hna seh."
Hi a cunglei thluachuah peknak vialte hi, hman khawh dih an si. USA pastor hna nih an duh ning paoh in an hman ko hna. A ruang cu Thluachuah Peknak timi cu, Bible chung i a ummi bible cang pakhatkhat zoh chih in chimmi an si ko caah, hi ti bak in hman dingmi a um lo.
Bible cang dang tampi an hmanmi a um rih nain, ka tial ti lo. 1 Thes. 3:11-13; Filipi 4:7; 4:19,20; 2 Peter 1:2,3; Jude 1:24,25; Hebrew 13:20,21; 1 Thes 5:23; 2 Thes 2:16,17; Efisa 6:24; 2 Cor 9:8; 13:11; Roman 12:2. Hi vialte pin ah tampi a um rih kho men.
Hi bantuk in thluachuah peknak bible biafang hi Biakam Hlun le Biakam Thar he tampi a ummi chung in, mah duhmi paoh hman khawh an si. A cunglei mah duhmi bible cang zawn te kha char i, mah nih duhmi biafang aa dawh mi kha chap i, cuticun thluachuah peknak hi tuah khawh a si ko. Bible cang chung in lakmi a si cio caah, aa palhmi pakhat hmanh a um lo timi kha fianter ka duhmi a si.
Biahmaithi: Nikhat ah upa pakhat nih, "Kan pastor thluachuah pekning le hawi pekning aa lo lo i, midang khua hna nih a kan theih sual ahcun a kan nihsawh sual lai ti kan phang" tiah an ti tiah a ka chimh. Cu bia ka theihnak cu, voi hnih thum a si cang caah, fianternak tuah a hau ko tiah ka ruat i, biakinn chung ah ka fianter. Thluachuah Peknak cu kan tuah lengmang ko i, khawika in dah aa thawk? Zeiti set in dah chim ding a si timi phung a um maw?" timi ruahnak ding caah, hi capar hi ka tialmi a si.
Ruah Palh Lo Ding
Tipil peknak le thluachuah peknak hi aa lo lo. Tipil peknak ahcun "Pa, Fapa le Thiangthlarau" timi min in a changchang tein pek a si (Matthew 28:19). A ruang cu Bible nih cuticun a kan cawnpiak caah a si. Thluachuah peknak tu cu bible ah phun tamtuk a um caah, cu chung in duhmi paoh kha lak i pek a si. Protestant Krihfabu ahcun, hi ti bak in na hman lai timi phung a um lo.
Cucaah pastor cheukhat nih cun kut thlir bu in an tuah. A cheu nih kut thlir lo tuah zong an um. A cheu nih mitchimh bu in an tuah. A cheu nih mit chimh lo in an tuah. A cheu nih ding tein an dir i an tuah i, a cheu cu mit au bu le chawh pah in tuah a si. A ruang cu Bible an rak tial lio ah, thluachuah peknak an tial lio ah hin an mit an i chim theng lo. Mit au bu tein tialm a si.
Thluachuah Peknak (Blessing)
Thluachuah Peknak tiah Lai holh in kan timi hi, Mirang nih "Benediction" tiah an ti. Chanthar biafang in chim ahcun "Blessing" a si ko. Benediction le blessing hi aa khatmi a si. Duhpoh in thlen le hman khawh an si. Benediction a sullam cu "short blessing" ti khi a si ko.
Benediction hi, Pathian biaknak i pumhnak a dih tik ah hmanmi "thuachuah peknak biatawi" a si. Unitedh Methodist Church, Presbyterian, Anglican, Lutheran le Baptist Krihfabu pumhnak ah a donghnak ah "Thluachuah peknak" in kan donghter tawn. Roman Catholic le an mah he aa lomi Krihfabu hna nih "thluachuah peknak an tuahmi cu tlawmte aa dang deuh." RC ahcun thluachuah peknak a tuah khotu hna hi, "father, priest, bishop le pope" an si.
Protestant Krihfabu ahcun, Ordain pastor hna nih benediction hi an tuah tawn. Cucu Baptist Krihfabu nih kan zulh phung a si. Bible ahcun a nih nih tuah seh, a nih nih tuah hlah seh timi cu, rihma khiah piakmi a cu a um lo.
Mirang le Nitlaklei Krihfabu ahcun ordain lo zong nih thitumnak te hna an tuah piak ko hna. Cun thluachuah peknak zong an tuah ko. A ruang pakhat cu Baptist Krihfabu nih, a thianghlimmi biakam fehternak (sacrament) pahnih kan ngei lai ti a si i, cu pahnih tu cu ordain hmumi pastor lawnglawng nih tuah khawh a si. Cu sacrament pahnih cu "Tipil pek le Bawipa zanriah" an si. Hi hna hi cu ordain pastor lo nih cun tuan phung ah ruah a si lo.
Cu phung (tradition) cu kum tampi hmanmi a si caah, nihin ni tiang zulh a si. Lairam missionary zong nih mission field zong ah an rak zulh ve. Tahchunhnak ah, Dr. East zong nih Pau Suan le Thuam Hang te Krihfa zumtu an can lio ah,Dr. East cu a um ko nain tipil a pe hna lo. Rev. Arthur Carson tu kha a hei cah i, tipil a rak pekter hna. A ruang cu Dr. East cu ordain a si lo caah a si. Chim duhmi cu Ordain a silomi nih cun tipil pek le Bawipa zanriah pek hi, Krihfabu tampi nih cun an duh hrimhrim lo.
Asinain protestant Krihfabu tampi ah, thitumhnak, nau chuak thlacamnak, member ca thlacamnak, mithi ruakvui timi te hna hi, "sacrament" ah aa telmi an si lo caah, pastor a simi paoh nih an tuah ko. Cun Nitlakrlei am ahcun thitumhnak licence a ngeimi poh nih, kuhsih thitumnak hi an tuah piak ko hna. Pastor si theng a hau mi a si lo.
Cu ve bantuk in, "thluachuah peknak" (benediction) zong a cheu Krihfabu ahcun ordain a silomi nih an chim ve ko. Cucu Krihfabu an nawl a si. A ruang cu sacrament asilomi paoh ahcun tuahter khawh an si tiah an ruah caah a si.
Tahchunhnak ah, Indianapolis i ICBC Krihfabu an pastor te pahnih-Rev. Tluang Thang le Rev. Lal Cung Awi- hna hi ordain an hmuh hlan ah, Bawipa zanriah pek le Tipil in dah ti lo cu an tuah dih ko. Thitumh kutsihnak zong an tuah i, "Thluachuah peknak" zong an tuah ko. Cucu Lai Krihfabu ahcun phundang ngaite an si nak pakhat a si.
Thlawchuah Pek Tikah Chim Dingmi Bia
Thluachuah Peknak (Benediction) tuah tikah hitin na chim lai timi a um lo. Pastor pakhat nih a mah duh ning tein a hman ko. Bible chung bia a char duh sile a char i, a char duh lo a si le amah tein aa ser i a chim ko. Tinhmi cu, "Pumh dih ah mipi thluachuah vanluh va ham piakta bia khi a si" caah, biachim thiammi nih cun biafang dawhdawh an chap khawh. Cucaah "thluachuah peknak" hi rihma a um lo i, pungsan a um lo i, mah le thiam ning cio in tuah a si ko timi kha fian a herh.
Atu chan motor um hnu le bang ahcun, a cheu pastor cu "God home in peace with mercy and love. Have a safe drive home and may the Lord be with you forever" ti sawh lawng hna an ti i, Fapa min chim le Thiang Thlarau min chim theng a um lo. An mit zong an chim theng lo.
Thluachuah peknak hi zeitin dah a tuanbia aa thawk tiahcun Aaron le a fale chan in aa thawk. Sinai ramcar chung i Israel pawl an vaihvah lio in a rak i thawkmi phung a si. Aron le a fale cu tlangbawi an si i, an mah nih Israel miphun kha hitin thluachuah an rak pek tawn hna:
"Bawipa nih thluachuah in pe hna sehlaw, in zohkhenh ko hna seh..
Bawipa nih a hmai nan cungah tlanter ko seh law in velngeih ko hna seh..
Bawipa nih a hmai in chit hna sehlaw, daihnak in pe ko hna seh..."
(Number 6:24-26)
Khuaruahhar ngai pakhat a simi cu, hi Bible biafang hna an tialnak lungcatial hlun bik hi, naite ah an hmuh. Cu lungcatial cu Jerusalem Temple a voikhatnak sakmi chan i an tialmi a si. Solomon chan a si. Cu lungcatial cu atu ah Jerusalem i a ummi museum ah a um.
Thluachuah Peknak biafang hna hi tampi Biakam Hlun ah an hman ve hna i, Psalm 29:11; 89:52; 121:7,8 hna zong hi an hman ngaimi a si.
Number chung ah hin, hi bantuk thluachuah peknak hi, hmun tampi ah a um. Cucu Israel miphun hna nih an hman lengmang i, "Bawipa nih thluachuah in pe ko seh; Bawipa nih in umpi ko seh; Bawipa nih lam in hruai ko seh; Bawipa nih daihnak in pe ko seh; na cungah daihnak um ko seh..." ti in phun tampi an hman. Cucu thluachuah peknak lawngte an si dih. Thluachuah Peknak ah hin, aa lo ngaimi biafang cu a donghnak hi "SEH" timi lengmang in a dong.
Cucu Bible biakam hlun ah an hman peng i, a phunphun in a um. Cucu Biakam Thar chan a phak tikah, Paul le zultu dangdang hna zong nih Biakam Hlun hmanmi biafang kha an char i, an hman ve.
Aa dangmi tu cu, Biakam Thar ahcun "Bawipa timi le Pathian" timi lawng kha hmang ti lo in, 'Jesuh timi le Thiang Thlarau" timi biafang pahnih kha an chap hna. A caan ahcun Pathian min lawng an chim i, a caan ahcun Jesuh min lawng an chim. A caan ahcun an pahnih min lawng an chim. A caan ahcun "Jesuh le Pathian le Thiang Thlarau" kha an chimkem tawn hna.
Cu bible cang hna cu lak in, USA le nitlaklei ram pastor hna nih, thluachuah peknak bia kha an chim hna. A cheu cu an mit zong an i chim lo. Mit au bu tein chawh pah in an chim ko. A cheu nih cun, motor chan a si caah, "motor na nawmhnak ah him tein inn va phan ko" timi hmanh hi an chim chih rih. Cuticun thluachuah peknak hi a phunphun a um. Mah le siarem ning cio in hman a si.
Biakam Thar ahcun Pauline Epistles timi Paul Cakuat ah hin tam bik kan hmuh. Paul le bible tialtu dangdang nih Thluachuah peknak ah a rak hmanmi bia hna hi tlawmte kan zoh hmanh lai:
1. Rome 16: 24 "Kan Bawipa Jesuh Krih vel cu nan dihlak cungah um ko seh" (Pathian le Thiang Thlarau aa tel lo)
2. 1 Cor. 1:3 "Pathian kan Pa le Bawipa Jesuh Krih nih vel le daihnak in pe ko hna seh" (Thiang Thlarau aa tel rih lo; 2 Cor. 1:2; Galati 1:3; Efesa 1: 2; Filipi 1:2; 2 Thesalon 1: 2).
3. 1 Cor. 16:23 "Bawipa Jesuh vel cu nan cungah um ko seh..Krih Jesuh thawng in kan dawtnak hna cu nan dihlak cungah um ko seh..." (Pathian le Thiang Thlarau aa tel lo; pumpak amah min zong a chim chih rih).
4. 2 Cor. 13:13 "Bawipa Jesuh Krih vel le Pathian dawtnak le Thiang Thlarau he i hawikomhnak cu nan dihlak cungah um ko seh" (Hihi kei nih ka hmanmi a si; a ruang cu a tling bik tiah ka ruah caah a si. Hika hin Thiang Thlarau zong aa tel)
5. Galati 6: 18 "Kan Bawipa Jesuh Krih vel cu nan dihlak cungah um ko seh" (Pathian le Thiang Thlarau aa tel lo; Filipi 4:23; Filemon 1:25).
6. Efesa 6:23-24 " Daihnak le dawtnak cu zumhnak he, Bawipa Jesuh Krih i a Pa le a Pathian nih in pe ko hna seh. A thi kho lomi dawtnak in kan Bawipa Jesuh Krih a dawmi nan dihlak cungah Pathian vel cu um ko seh" (Thiang Thlarau a chim lo).
7. Lolose 1:2b "Pathian kan Pa nih vel le daihnak in pe ko hna seh" (Jesuh Krih min le Thiang Thlarau aa tel lo)
8. Kolose 4:18 b "Pathian vel cu nan cungah um ko seh" (Jesuh Krih min le Thiang Thlarau aa tel lo;
1Timothy 6: 21 b; Hebrew 13:25)
9. 1 Thesalon 1:1 c "Vel le daihnak cu nan ta si ko seh" (Pathian, Jesuh Krih le Thiang Thlarau aa tel lo. Asinain vel le daihnak a ratnak cu Pathian le Jesuh sin in a si ti kha theih chung cia in ruah a si)
10. 1Thesalon 5:28 "Bawipa Jesuh Krih vel cu nan sin ah um ko seh" (Pathian le Thiang Thlarau aa tel lo; Filipi 4:23; 2 Thesalon 3: 18)
11. 1 Timothy 1:1 c "Pathian kan pa le Krih Jesuh kan bawipa nih vel le zaangfahnak le daihnak in pe ko hna seh (Thiang Thlarau aa tel lo).
12. 2 Timothy 1:2 "Pathian kan Pa le kan Bawipa Jesuh Krih nih vel le zaangfahnak le daihnak in pe ko hna seh." (Filemon 1:3; Thiang Thlarau aa tel lo)
13. 2 Timothy 4:22 "Bawipa cu na thlarau sin ah um ko seh. Nan dihlak sinah Pathian vel cu um ko seh" (Thiang Thlarau aa tel lo; Titus 3:15 b)
14. Titus 1:1 b "Pathian kan Pa le Krih Jesuh kan Khamhtu nih vel le daihnak in pe ko hna seh" (Khamhtu timi biafang a chap. Thiang Thlarau cu a telh lo)
15. 1 Peter 1:2 b "Vel le daihnak cu tling khitkhet in nan ta si ko seh" (Pathian, Jesuh Krih le Thiang Thlarau aa tel lo; um ko seh, tlung ko seh timi ai ah ta timi Peter nih a hman)
16. 1 Peter 5:14 b "Khrih ta a simi nan dihlak sinah daihnak um ko seh" (Pathian, Jesuh, Thiang Thlarau timi min a chim lo).
17. 2 Peter 1:2 "Pathian nan hngalhnak thawng le kan Bawipa Jesuh Khrih nan hngalhnak thawngin vel le daihnak cu tlamtling tein nan ta si ko hna seh (ta a hman)
18. Judas 1: 2 "Zaangfahnak le daihnak le dawtnak cu tlamtling tein nan ta si ko hna seh" (ta timi biafang a hmang; Pathian, Jesuh Khrih le Thiang Thlarau a telh hna lo)
19. Roman 1: 7 "Pathian kan pa le Bawipa Jesuh Krih nih vel le daihnak cu in pe ko hna seh" (Thiang Thlarau aa tel lo)
20. Roman 15:13 "Thiang Thlarau thawnnak thawng in nan i ruahchannak cu a than lengmang nakhnga, ruahchannak hram Pathian nih cun, Amah nan zumhnak thawng in lunglawmhnak le daihnak he in khahter ko hna seh."
Hi a cunglei thluachuah peknak vialte hi, hman khawh dih an si. USA pastor hna nih an duh ning paoh in an hman ko hna. A ruang cu Thluachuah Peknak timi cu, Bible chung i a ummi bible cang pakhatkhat zoh chih in chimmi an si ko caah, hi ti bak in hman dingmi a um lo.
Bible cang dang tampi an hmanmi a um rih nain, ka tial ti lo. 1 Thes. 3:11-13; Filipi 4:7; 4:19,20; 2 Peter 1:2,3; Jude 1:24,25; Hebrew 13:20,21; 1 Thes 5:23; 2 Thes 2:16,17; Efisa 6:24; 2 Cor 9:8; 13:11; Roman 12:2. Hi vialte pin ah tampi a um rih kho men.
Hi bantuk in thluachuah peknak bible biafang hi Biakam Hlun le Biakam Thar he tampi a ummi chung in, mah duhmi paoh hman khawh an si. A cunglei mah duhmi bible cang zawn te kha char i, mah nih duhmi biafang aa dawh mi kha chap i, cuticun thluachuah peknak hi tuah khawh a si ko. Bible cang chung in lakmi a si cio caah, aa palhmi pakhat hmanh a um lo timi kha fianter ka duhmi a si.
| --------------------------------------------------------------- | |
Zohchihmi Ca | |
http://www.faithandworship.com/blessings_and_benedictions.html
http://benediction.net/pages/1/index.htm
No comments:
Post a Comment