Motor accident hi a can ahcun tisual le canghsual le laklawh ruangah a si. A can ahcun lam le motor phunglam buar ruangah a si. A can ahcun mitkuh le thabaat ruangh a si. A can ahcun motor seh-thilri thatlo ruang, motor rawh ruang, lamsul chiat ruang, khaucaan ruang hna a si. A cheu cu zudin saei le ritnak sii ruang ah rang tuk in mawngh ruang ah a si theu tawn. A cheu cu khuaruahhar tuk a si. Zeitindah hi tluk tiang an accident khawh hnga timi ruah ah, nih lei a chuak. "Tahlak ah nihchuak" timi khi a si taktak.
A tanglei motor accident cheukhat hi nihchuak tuk an si. Zeitindah hi tluk tiang in an accident khawh hnga timi ruah ah, laksawng pek phu an si. Movie lawng ah a um kho ding tiang in an accident kho.
Nihchuak le khuaruahhar tuk a simi motor accident laksawng pek hi um sehlaw, a tanglei pa hi pek ding a si hnga. No.1 ah ka chiah. Hi motor accident hi vawleicung accident vialte lak ah tihnung bik, nihchuak bik le "Movie" a lo bikmi a si. Zeitindah a can khawh ti khuaruahhar accident a si. A taktak a lo lo nain, a taktak a rak si. Ritnak si dingmi pa nih rang tuk in a mawngh i, a cang mi a si.
 |
| Movie bantuk a simi accident |
Daithlan hi minung nunnak ah hrawktu a si. Speed zoh lo le motor mawngh lio i phone hna deh pah buin, ningcang lo motor mawngh hi tih a nung tuk. A herh tuk lo ahcun vur tlak tuk lio, ruahsur tuk lio le minmer zam tuk lio motor mawngh hi hrial ah a tha. US hna ahcun lam naal ruangah motor 100 renglo an i pah sual hi a tam cang. Kan i tel ve lai lo timi chim khawh a si lo.
Nunnak hi pahnih a um lo. Pakhat te lawng a si. Cu pakhatte a dih ahcun, thlennak le chap than ding a um ti lo.
Job 14: 5-10 "
Minung cu thing bang a bir than ding a si ti lo" timi a kan cawn piak. Kan nunnak te hi a dih ahcun a bir kho ding a um ti lo. Mah thih tein thih cu thih caan tlun a si. Hrial khawh a si lo. Acident thih timi cu zeitluk in dah na ralrin timi nih tampi lai a rel khawh men?
Cucaah, motor na mawngh lai ah tha tein i ruatta. Na thiam tuk na lo in ral tha tuk in mawng ding a si lo. Rang tuk mawngh te hna uar ding a si lo. Lam-meng khiahmi lonh tuk lo ding a si. Phone hna deh lo ding le tex tial pah lo ding. Motor chung ah hnacheh tuk lo ding le driver lungtuai in tuah lo ding ralrin a herh. Khuacaan zoh thiam le khual tlawn le tlawn lo caan then thiam a hau. A caan ahcun nangmah na that le fel ko zongah, vanchiatnak cu na cungah a tlung kho ve thiamthiam ko rih.
Careltu hihi va ruat zungzal. Ningcang lo in motor ka mawng lai tiahcun "
Life Insurance tha taktak cawkta hmasat ah a tha." Zeicatiah accident ton ding kha a fian ngai caah a si.
Atanglei motor accident zong hi nihchuak zong a si. Tihnung zong a si. Minung tampi nih duhnak nih a tei hna i, vur, ruah le muizan zong hrial lo in, khual an tlawn tikah, accident cu ton ahcun ka ngaichih ti khawh a si ti lo. Accident tongmi caah tihnung le thinphang taktak zong an si. Lau cikceknak zong an si. Zaangfak zong an si. Hi bantuk hi zeitik ah kan ton lai le ton lai lo theih a si lo caah, ka tong kho ve ko timi ruat bu tein, hmanthlak rak zoh ve hmanh. Hihi na hmuh ahcun, Life Insurance tuah lo cun na um ngam hrimhrim lai lo? Asiloah Pathian tello cun, nunnak hi zeihmanh an si lo timi cu fian bak a herh.
 |
| Snow lak khualtlawn ralrin a herh taktak timi hi nih a kan cawnpiak |
 |
| Lam cuh tuk ding a si lem lo. A cak deuh laksawng pek a um lo hi mu! |
 |
| Hi bantuk in, mi inncung ah dai tein dinh khawh bak a si ko |
 |
| Na nuamh tuk lio zongah hnahchawl bang zuan khawh a si hi! |
 |
| Faphir aa daw tukmi an lo ai |
 |
| Highway cung ah "Rock-N-Roll" laam khawh a si |
 |
| Tuah hramhram hmanh ah tuah khawh ding a fawi lo |
 |
| Accident cu a hme deuh le zaangfah ding timi a um lo hi! |
 |
| A laklawh tuk. Tlak le tlak lawlaw ding? |
 |
| Lamcung ah a hnarphaw in an vihmi caw bang i thlai khawh a si |
 |
| Tuk a va sum hringhran dah |
 |
| A kua ah luh aa timmi "zu" a lo |
 |
| Rap nih a fawihmi Sakhi bang lamkam ah i thlai khawh a si ve ko |
 |
| Thuhnak maw a theih hnga lo? Hi ka ngelcel thuh timh cu? |
 |
| Zeitluk sual hmanh ah hi cu ngamh ding a si tuk lo hi |
 |
| Rawn i mah tluk sang tiang mawngh khawh cu "champion" bak a si |
 |
| Electric tung ah pheikalh nih a awhmi zu bang i thlai khawh a si? |
 |
| Nitlang toh aa thawhmi Chungchep bang mi inn cungah dai tein |
 |
| Saphu a kaat chung in a rak mangmi bang um khawh a si ve hi |
 |
| Sual tuk ahcun palik nih hitin "puak" khawh bak a si |
 |
| Aa duh tukmi "Ngaknu tlangval aa puami" an lo. Then hmanh sian ding an si lo |
 |
| Mi inn ah len aa tim i a tawka in an domhmi a lo |
 |
| Chungchep nitlang to bang mi inncung ah dai tein bawh zirziar cu dah ngai |
Ralring tein motor va mawng. Minung cu a cunglei bang kan si lai lo ti khawh a si lo. Hi hmanthlak na hmuh tikah na khuaruahhar hlah. Hihi an saduhthah a tlin ruangah a si ruam lo. An duhmi le tinhmi zong a si ruam lo. An nunnak ah thil pakhatkhat ruangah a cangmi an si. Hi tiangtiang motor va mawngh khawh hna hi ruah ah khuaruahhar a si. Pre. Trump nih "Fake news tialmi laksawng Award a pek hna" tiah an ti bantuk in, hi hna zong hi khuaruahhar tuk in an accident caah laksawng pek a phumi Motor Accident an si.
Ningcang tein motor mawngh kan hau. Ralring te le lungfim te le ningcang tein motor mawngh lo ahcun, hi bantuk khuaruahhar accident laksawng pek phu ah tel khawh a si. Hihi nang le kei zong kan si kho ve ko. Cucaah "Nunnak cu thluak nih a ven" tiah Kawl phungthluk ah an ti bantuk in, Pathian sin ah thlacam bu tein, na thluak nih na nunnak in veng ko seh.
No comments:
Post a Comment