Hruaitu Kong Ah Mifimmi Hna Roling Bia

Mifim cu thil sining an rak thei. Minung sining le thinlung zong an rak thei. Mi nih thil an hmuh ning, an tuak ning le an tuahning zong an rak thei. An mifim hawi kong zong an thei i, hruaitu tha le hruaitu chia kong zong an rak thei. A tanglei chimmi bia hna hi, mifimmi nih khua an ruahmi le an chimmi bia an si. A bik in hruaitu tha caah an chimmi bia sunglawi an si.

Laica in leh awk a har tuk caah le a thawtnak a lo sual lai ti ka phan caah an mah Mirang ca ning tein ka tar ve ko. A khawmsuatu hi Kevin Kruse a si. Hi hna hi keimah pumpak zong thazaang a ka pe tukmi biafang hna an si i, cucaah midang ca zong ah thazaang petu an si theu lai timi ruahchannak he ka van tarmi an si.

Hruaitu dihlak nih hi mifim hna bia hi, fian ahcun zaang der lio caan zong ah thawnnak hmuh khawh a si. Cun hruaitu nih a ngeih dingmi lungput, ruahnak le hruaimi nih a ngeih tawnmi lungput le sining zong tha tein an langhter caah, tha tein fian le nunpi khawh ahcun hruaitu zong hruaitu thawng si khawh a si i, ngaihchiatnak le harsatnak ton caan zong ah thazaang tampi lak khawhnak bia thatha an si. Cucaah hruaitu nih rel, theih le chinchiah a tlakmi an si hna.

                                  Hruaitu Kongah Mifim Bia Sunglawi 100

1. A leader is best when people barely know he exists, when his work is done, his aim fulfilled, they will say: we did it ourselves. —Lao Tzu

2. Where there is no vision, the people perish. —Proverbs 29:18

3. I must follow the people. Am I not their leader? —Benjamin Disraeli

4. You manage things; you lead people. —Rear Admiral Grace Murray Hopper

5. The first responsibility of a leader is to define reality. The last is to say thank you. In between, the leader is a servant. —Max DePree

6. Leadership is the capacity to translate vision into reality. —Warren Bennis

7. Lead me, follow me, or get out of my way. — General George Patton

8. Before you are a leader, success is all about growing yourself. When you become a leader, success is all about growing others. —Jack Welch

9. A leader is a dealer in hope.-Napoleon Bonaparte

10. You don’t need a title to be a leader. –Multiple Attributions

11. A leader is one who knows the way, goes the way, and shows the way. —John Maxwell

12. My own definition of leadership is this: The capacity and the will to rally men and women to a common purpose and the character which inspires confidence. —General Montgomery

13. Leadership is lifting a person's vision to high sights, the raising of a person's performance to a higher standard, the building of a personality beyond its normal limitations. —Peter Drucker

14. Never doubt that a small group of thoughtful, concerned citizens can change world. Indeed it is the only thing that ever has. —Margaret Mead

15. The nation will find it very hard to look up to the leaders who are keeping their ears to the ground. —Sir Winston Churchill

16. The most dangerous leadership myth is that leaders are born-that there is a genetic factor to leadership. That's nonsense; in fact, the opposite is true. Leaders are made rather than born. —Warren Bennis

17. To command is to serve, nothing more and nothing less. —Andre Malraux

18. He who has never learned to obey cannot be a good commander. —Aristotle

19. Become the kind of leader that people would follow voluntarily; even if you had no title or position. —Brian Tracy

20. I start with the premise that the function of leadership is to produce more leaders, not more followers. —Ralph Nader

21. Effective leadership is not about making speeches or being liked; leadership is defined by results not attributes. —Peter Drucker

22. Anyone can hold the helm when the sea is calm. —Publilius Syrus

23. A great person attracts great people and knows how to hold them together. —Johann Wolfgang Von Goethe

24. The best executive is the one who has sense enough to pick good men to do what he wants done, and self-restraint enough to keep from meddling with them while they do it. —Theodore Roosevelt

25. Leadership is influence. —John C. Maxwell

26. You don't lead by pointing and telling people some place to go. You lead by going to that place and making a case. —Ken Kesey

27. When I give a minister an order, I leave it to him to find the means to carry it out. —Napoleon Bonaparte

28. Men make history and not the other way around. In periods where there is no leadership, society stands still. Progress occurs when courageous, skillful leaders seize the opportunity to change things for the better. —Harry S. Truman

29. People buy into the leader before they buy into the vision. —John Maxwell

30. So much of what we call management consists in making it difficult for people to work. —Peter Drucker

31. The art of leadership is saying no, not saying yes. It is very easy to say yes. —Tony Blair

32. The very essence of leadership is that you have to have a vision. It's got to be a vision you articulate clearly and forcefully on every occasion. You can't blow an uncertain trumpet. —Reverend Theodore Hesburgh

33. The key to successful leadership today is influence, not authority. —Kenneth Blanchard

34. A good general not only sees the way to victory; he also knows when victory is impossible. —Polybius

35. A great leader's courage to fulfill his vision comes from passion, not position. —John Maxwell

36. A leader takes people where they want to go. A great leader takes people where they don't necessarily want to go, but ought to be. —Rosalynn Carter

37. The challenge of leadership is to be strong, but not rude; be kind, but not weak; be bold, but not bully; be thoughtful, but not lazy; be humble, but not timid; be proud, but not arrogant; have humor, but without folly. —Jim Rohn

38. Outstanding leaders go out of their way to boost the self-esteem of their personnel. If people believe in themselves, it's amazing what they can accomplish. —Sam Walton

39. A true leader has the confidence to stand alone, the courage to make tough decisions, and the compassion to listen to the needs of others. He does not set out to be a leader, but becomes one by the equality of his actions and the integrity of his intent. —Douglas MacArthur

40. A ruler should be slow to punish and swift to reward. —Ovid

41. No man will make a great leader who wants to do it all himself, or to get all the credit for doing it. —Andrew Carnegie

42. Leadership is the art of getting someone else to do something you want done because he wants to do it. —General Dwight Eisenhower

43. The leader has to be practical and a realist yet must talk the language of the visionary and the idealist. —Eric Hoffer

44. Leaders think and talk about the solutions. Followers think and talk about the problems. —Brian Tracy

45. A man who wants to lead the orchestra must turn his back on the crowd. —Max Lucado

46. Never tell people how to do things. Tell them what to do and they will surprise you with their ingenuity. —General George Patton

47. As we look ahead into the next century, leaders will be those who empower others. —Bill Gates

48. All of the great leaders have had one characteristic in common: it was the willingness to confront unequivocally the major anxiety of their people in their time. This, and not much else, is the essence of leadership. —John Kenneth Galbraith

49. Do what you feel in your heart to be right–for you’ll be criticized anyway. —Eleanor Roosevelt

50. Don't necessarily avoid sharp edges. Occasionally they are necessary to leadership. —Donald Rumsfeld

51. Education is the mother of leadership. —Wendell Willkie

52. Effective leadership is putting first things first. Effective management is discipline, carrying it out. —Stephen Covey

53. Great leaders are almost always great simplifiers, who can cut through argument, debate, and doubt to offer a solution everybody can understand. —General Colin Powell

54. Great leaders are not defined by the absence of weakness, but rather by the presence of clear strengths. —John Zenger

55. He who has great power should use it lightly. —Seneca

56. He who has learned how to obey will know how to command. —Solon

57. I am reminded how hollow the label of leadership sometimes is and how heroic followership can be. —Warren Bennis

58. I cannot give you the formula for success, but I can give you the formula for failure, which is: Try to please everybody. —Herbert Swope

59. If one is lucky, a solitary fantasy can totally transform one million realities. —Maya Angelou

60. If you would not be forgotten, as soon as you are dead and rotten, either write things worth reading, or do things worth the writing. —Benjamin Franklin

61. If your actions inspire others to dream more, learn more, do more and become more, you are a leader. —John Quincy Adams

62. In matters of style, swim with the current; in matters of principle, stand like a rock. —Thomas Jefferson

63. It is absurd that a man should rule others, who cannot rule himself. —Latin Proverb

64. It is better to lead from behind and to put others in front, especially when you celebrate victory when nice things occur. You take the front line when there is danger. Then people will appreciate your leadership. —Nelson Mandela

65. Lead and inspire people. Don’t try to manage and manipulate people. Inventories can be managed but people must be led. —Ross Perot

66. Leaders aren't born, they are made. And they are made just like anything else, through hard work. And that's the price we'll have to pay to achieve that goal, or any goal. —Vince Lombardi

67. Leaders must be close enough to relate to others, but far enough ahead to motivate them. —John C. Maxwell

68. Leadership and learning are indispensable to each other. —John F. Kennedy

69. Leadership cannot just go along to get along. Leadership must meet the moral challenge of the day. —Jesse Jackson

70. Leadership does not always wear the harness of compromise. —Woodrow Wilson

71. Leadership is a potent combination of strategy and character. But if you must be without one, be without the strategy. —Norman Schwarzkopf

72. Leadership is solving problems. The day soldiers stop bringing you their problems is the day you have stopped leading them. They have either lost confidence that you can help or concluded you do not care. Either case is a failure of leadership. —Colin Powell

73. Leadership is the key to 99 percent of all successful efforts. —Erskine Bowles

74. Leadership is unlocking people's potential to become better. —Bill Bradley

75. Management is about arranging and telling. Leadership is about nurturing and enhancing. —Tom Peters

76. Management is efficiency in climbing the ladder of success; leadership determines whether the ladder is leaning against the right wall. —Stephen Covey

77. Never give an order that can't be obeyed. —General Douglas MacArthur

78. No man is good enough to govern another man without that other's consent. —Abraham Lincoln

79. What you do has far greater impact than what you say. —Stephen Covey

80. Not the cry, but the flight of a wild duck, leads the flock to fly and follow. —Chinese Proverb

81. One of the tests of leadership is the ability to recognize a problem before it becomes an emergency. —Arnold Glasow

82. The final test of a leader is that he leaves behind him in other men, the conviction and the will to carry on. —Walter Lippman

83. The greatest leaders mobilize others by coalescing people around a shared vision. —Ken Blanchard

84. The growth and development of people is the highest calling of leadership. —Harvey Firestone

85. To do great things is difficult; but to command great things is more difficult. —Friedrich Nietzsche

86. To have long term success as a coach or in any position of leadership, you have to be obsessed in some way. —Pat Riley

87. True leadership lies in guiding others to success. In ensuring that everyone is performing at their best, doing the work they are pledged to do and doing it well. —Bill Owens

88. We live in a society obsessed with public opinion. But leadership has never been about popularity. —Marco Rubio

89. Whatever you are, be a good one. —Abraham Lincoln

90. You gain strength, courage and confidence by every experience in which you really stop to look fear in the face. You must do the thing you think you cannot do. —Eleanor Roosevelt

91. A competent leader can get efficient service from poor troops, while on the contrary an incapable leader can demoralize the best of troops. —John J Pershing

92. A good leader is a person who takes a little more than his share of the blame and a little less than his share of the credit. —John Maxwell

93. There are three essentials to leadership: humility, clarity and courage. —Fuchan Yuan

94. I am endlessly fascinated that playing football is considered a training ground for leadership, but raising children isn't. —Dee Dee Myers

95. A cowardly leader is the most dangerous of men. —Stephen King

96. My responsibility is getting all my players playing for the name on the front of the jersey, not the one on the back. –Unknown

97. A good plan violently executed now is better than a perfect plan executed next week. –George Patton

98. The supreme quality of leadership is integrity. –Dwight Eisenhower

99. You don’t lead by hitting people over the head—that’s assault, not leadership. –Dwight Eisenhower

100. Earn your leadership every day. –Michael Jordan

______

Check out, 365 Inspirational Quotes: Daily Motivation For Your Best Year Ever, by NY Times bestselling author Kevin Kruse.

Nifatin Nunnak Ah Samaria Mitha Lungput Ngeih A Herh

Jesuh Krih nih Luke Thawngtha chung ah Samaria Mithapa tuanbia a kan cawnpiak. Hi Samaria Mithapa tuanbia i, cangtupa (actor) cu amah Jesuh Krih kha a chim duhmi a si i, Samaria Mithapa lungput nih Jesuh Krih lungput kha a chim duhmi a si (Luke 10:25-37) tiah hrihfiah ah a kan chimh.

--------------------------

Samaria mitha tuanbia nih biapi ah a chiahmi cu, "Minung hawi dawtnak le zawnruahnak hi thukpi in a chim duh. Cun innpa dawt lo ahcun, Pathian hi direct in dawt khawh a si lo" timi kha a langhter.

Judahmi nih an zumhmi cu, "khual hna dawt" hi hmuhlomi vancungmi dawt a si tiah an ruah. Sifak santlailo, hmeinu hmeipa le ngaktah buangro dawt hna hi, biaknak taktak a si tiah an ruah. Harnak a tongmi mizaw, mifak, thawngtla le tirawl ei awk ngeilomi te hna dawt i, Pathian dawt ah an ruah. Pathian a dawmi poah cun, a minung hawi a dawt hrimhrim awk a si tiah an ruah. A minung hawi a bik harnak tongmi le hremtuar ingmi hna dawt lo cu, "Pathian dawtlo" ah chiah a si. Sodom le Gomorrah a rawknak a ruang hmanh hi, "Khual an serhsat le dawtlo ruangah a si" tiah tiah Bible thiami hna nih an ti.

Samaria Mitha tuanbia a cannak hmun hi, Jerusalem-Jerichok lampi ah a si. Cu lam cu Rome ralkap le uktu pawl zong nih an zulhmi lampi a si. Mi sawsawh zong nih an zulh vemi a si. Judah biaknak ah a biapi taktakmi tlangbawi le Levi mi zong nih an zulh ve mi a si. Judahmi nih an nautatmi Samaria mi zong nih zulhmi lampi a si. Khualtlawng le chawlet zong nih an zulh ve mi lam a si. Cun cu chawlet chawhrawl pawl thil a fir piaktu hna le damiah a taihtu pawl hna zong nih an zulh ve mi lam a si. Cu lampi ahcun khualtlawng lamli umnak caah riahbuk (hotel) umnak zong a si. Chim duhmi cu miphun kip zulhmi lampi a si timi kan hmuh.

Damiah taihmi pa cu "mipa" pakhat a si. Judahmi zong a si kho i, Israel ram ummi mipa pakhatkhat a si kho. Chim duhmi cu a ho poah an si kho tinak a si. Mipa a puan a phawihtu, a veltu, thilo nunglo in a vuatu hna cu, "damiah" (robbers) an si. Hi bantuk damiah hi hlanlio Judah ram ah hin an rak tam ngai. Rome cozah zong nih an ral hna i, vailam zong an rak tah tawn hna. Jesuh pawng i vailamtahmi misual pahnih hna zong kha "Damiah" an si tiah tuanbia ah an tial. Cun Jesuh aiawh ah an thlahmi Jesuh Bar-abbas zong kha, an tuanbia zoh tik ah "damiah" an si timi kan hmuh (John 18:40). Luke nih cun, "khua chungah buainak chuahpitu le lainawng a si" tiah a ti (Lk. 23:19).

Cu nih a langhtermi cu Judah ram ah hin, damiah le mifir hi an rak tam ngai ko lai tiah a lang. Zeicatiah Jesuh an thah lio ah minung pahnih thahmi hna hi, mifir bak an rak si. Ni dang ah an rak thahmi bible le tuanbia ah tiallomi an tampi lai.

Damiah nih a thilri le a puan an chuh i, an vuakden i, thilo le nunglo in an kaltakmi pa hi, a thi le daw he an chiah lai timi a fiang. Midang tampi zong nih an zoh duh lo. Pathian a bia taktakmi tlangbawi le Levi zong nih an hrial tikah, tongh ngam lo ding tiang in, fihnung teifiak in thi le daw he a um lai timi a fiang. Cu lio ah, a mah a rak chartu, a hma a tuam piaktu, tluninn ah a kalpitu, khualbuk kha zohkhenh a fial hna i a dihmi tangka paoh liam piak ding tiang in dawtnak a ngeitu pa hi, "Samaria Mith mi" a si. Pathian bia taktakmi Judah mit ahcun, Samaria cu nautatmi, kahpia le hell kal ding tluk ah ruahmi an si. Tlangbawi le Levi mi nih fihmi miphun an si. An ram hmanh pal an duhlo. An ti din hmanh an duhlomi miphun-Samaria mi a si.

Hi Samaria pa lungput hi khuaruahhar a si.

Zeicadah khuaruahhar a si? A zohmi pa hi a ho si zong a thei lo. Mitha le michia a si zong a thei lo. Misual le mi tha a si zong a thei lo. Sifak le mirum a si zong a thei lo. Judah le Gentile a si zong a thei lo. Khawika khuami le rammi si zong a thei lo. Bawi le sal a si zong a thei lo. Mifim cathiam le mihrut si zong a thei lo. A theihmi cu a mah bantuk in khual a tlawng vemi, mifir nih an fir i, an vuakdenmi minung hawi a si" timi lawng a theih. Cu a minung hawi bawmh duhnak, zohkhenh le thlawpbul duhnak, a dihheimi vialte liam piak duhnak thinlung a ngeihmi cu, minung sawhsawh thinlung in a rami siloin, mit hmuhlo Pathian a zumhnak ruang in a chuakmi lungput a si timi a fiang.

Jesuh mit ahcun vancung kai ding bak ah aa ruatmi hna, Judahmi hna, Tlangbawi le Levi hna hi thiam a coh hrimhrim hna lo. Miding tuk le mitha tuk ah aa ruatmi, hi Judahmi hna hi Jesuh hmai ahcun "lenglei in aa dintermi" sawhsawh an si. Lenglei in a ding sawhsawhmi nih cun zeitik hmanh ah "An minung hawi siaherhnak, zawnruahnak le dawtnak le zaangfahnak" an ngei taktak bal lo.

Samaria mi pa hi Judah mit ahcun Judahmi bantuk in Pathian biami a si lo nain, chunglei lungput zohtu Jesuh nih lung a rak tongtu taktak cu "tlangbawi le Levimi" si lo in Samaria mi pa tu a rak si daih. Nihin ni ah hin, Pathian tanh tuk ruang ah Pathian nganh khawh a si. Jesuh tanh tuk ruangah Jesuh lungton lo khawh a si timi kha "tlangbawi le Levi" nun in theih khawh a si.

Zeica dah Samaria Mitha pa nih Jesuh a lung a ton? Samaria Mitha pa cu, mi cungah dawtnak, zawnruahnak, zaangfahnak, tanpi duhnak, mibawmhnak le mi zohkhenhnak" timi Krih duhmi lungput kha a rak ngei. Cu vialte cu, minung sinak cun ngeih a har tuk. Hi lungput hi, Pathian zumhlo le ruah lo ahcun a chuak khomi a si lo. Pathian theih taktak lawng ah hi bantuk in midang cung ah zaangfahnak le dawtnak ngeih khawh a si.

Hi tuanbia hi Phungbia cawnpiaktu sayapa le Jesuh karlak i, "Zungzal nunnak hmuhnak ding caah ah zei dah tuah a herh?" timi biahalnak an i lehmi in a chuakmi tuanbia a si. Cucu biahalnak tha tuk a si. Phungbia cawnpiaktu nih hin, "zungzal nuncang hmunhnak hmuhnak ding caah, tuahsernak in cawk a timh. Jesuh nunnak ahcun, lungthin in Samaria Mitha lungput ngeih i, tuah lawng ah hmuh khawh ding in a chim."

 Jesuh nih hin, "Zungzal nunnak hmuhnak ding caah, hihi tuah a herh, cucu tuah a herh..." tiah dingteu in a bia let lo in, tuanbia tu in a fianter. "Damiah nih a puan an chuh i, thi dengmang in an vuakmi pa a zohkhenhtu Samaria Mitha pa tuahsernak in" Phungbia cawnpiaktu sayapa bia hi a fian in a fianter.

Cucaahcun "Zungzal nunnak hmuhnak ding caah, mah i dawt bantuk in inn pa dawt hi a si ko" ti kha Jesuh nih Samaria Mitha pa tuanbia in a chimh. Jesuh nih Phungbia cawnpiaktu sayapa bia a luphihnak ah a lehmi cu, "Samaria Mitha pa nih a tuah bantuk in va tuah ve" (Luke 10:37) ah a ti.

Jesuh bia  hi phundang in chim ahcun, "Zungzal nunnak hmuhnak ding caah, Pathian zumhnak kha tuahsernak in minung hawi sin ah langhter ding" timi khi a si.

Samaria Mitha pa nih Pathian rian a tuannak hmun hi, Judahmi hna Pathian biaknak Jerusalem khua le Temple theng kha a si lem lo. Samaria miphun nih Pathian an biaknak Gerizim tlangpar khi a rak si lem lo. Mi zapi hmuhnak khuachung lampi ah a si theng lo. Jerusalem-Jericho lampi mi um setsailonak hmun, damiah tlawnlennak hmun ah, harnak a tuarmi pa sin tu khi a rak si. Cucu missions taktak cu a rak si ko. Voi tampi cu missions hi kan nganh tawn bang, Tlangbawi le Levi mi nih an mission an nganh bak. Mithurhnawm ah ruahmi Samaria Mitha tu nih Pathian mission a rak tuan si.

Cucaah nihin ni ah khawika dah Samaria Mitha rian kan tuan lai? Jerusalem-Jericho lampi theng lawng ah Samaira Mitha rian va tuan theng a hau maw? Hau hlah.  Khawika kan umnak hmun paoh khi, Jerusalem-Jericho lampi bantuk in Samaria Mitha pa dirhmun langhternak a si kho. Bawmhchanh a herhmi hna na bawmhchanhnak hmun paoh khi, Samaria Mitha nunzia langhternak hmun a si. Na riantuannak, sizung, sianginn, warehouse, na innpa, na sang le na khuachung lampi hna khi, Samaria Mitha pa bantuk nunnak in langhter dingmi Jerusalem-Jericho lampi bantuk an si kho dih. Motor accident maw, innkang meitet tuarmi maw, ti-tlami maw, innlo-ngeilo maw, lamkam i tlurilmi zuding sa-ei maw na va bawmhmi hna khi, "Samaria Mitha pa" rian an si.

Samaria Mitha sinak ah, damiah nih thilo nunglo in an vuakmi pa bantuk va zohkhenh zong khi a si kho i, midang ca thil fate na tuahmi zong a si kho. Thil liannganpi zong a si kho. Na pawng ah zeibantuk dah bawmh an herh tiah na hmuhmi na va bomhmi hna khi  asi kho. Ralzaam le umnak ngeilo ramdangmi na va bomhmi hna zong a si kho.

Cucaah Jesuh Krih nih a kan fialmi cu, "Nifatin kan nunnak ah Samaria Mitha pa bantuk in a herhbaumi sin ah nunnak langhter hi a si." Cu bantuk nunnak langhternak ding caah, "Nifatin kan nunnak ah Samaria Mitha pa lungput ngeih kan herh." Cu Samaria Mitha pa lungput cu a ho lungput dah a si? Midang lungput a si lo. Kan Bawipa Jesuh Krih lungput a si.

Cu lungput cu hihi a si: "Dawtnak, velngeihnak, zaangfahnak, zawnruahnak, hnakkar-tenhnak, mah tanghma benh thiamnak, toidornak, lungnemnak, mi-ngaihthiamnak, midang caah sungh siannak, mi-bawmh duhnak, hlawm awk tlaklo hlawm duhnak, miphun thleidannak ngeilomi lungput, theihmi lawng siloin theihlomi pa zong va bomh duhnak, a ka bomh ve te lai timi ruahchannak a umlomi dawtnak, zohkhenhtu ngeilo zohkhenhnak, harnak tuarmi zaangfahnak, temtuarmi hna hrawmpi duhnak nun, midang ca thatnak ruah le midang caah temtuar ngamnak nun a si."

Cucu Krih lungput a si i, cucu nang le kei kan nunnak ah a um ve maw? Miphundang harnak a tuarmi hna kan hmuh tik hna ah cu lungput kan ngei kho maw? Ral zaam tampi umnak, Rakhine Ram ah? Shan ram ah?  Kachin ram ah? Syria le Iraq ah? Mexico-U.S Border ah nu le ngakchia temtuar taktak um lio ah? Sualnak zeihmanh tuah lo in US ah illegal in um ruangah tlaihkhih thawngthlak le an ram ah kuatmi hna khi zaangfahnak thinlung kan ngei kho ve maw?

Laimi kan tuanbia tha tein ruat u sih. Thailand nih ramri kha rak kham peng sehlaw? Malaysia nih ramri kha rak kham ve sehlaw? Atu US bantuk in an ram i illegal in ummi Laimi vialte kha Malaysia  in rak kan dawi hna sehlaw, nihin ni ah USA ah Laimi mah zat kan lut hnga maw?

Jesuh nih a kan fialmi hi kan tuan taktak lai maw? Cucu zei dah a si?  "Thlacam le tiphul le thawngtha chim tiang lawng a si lo." Kar hlei lamh a kan fial. Cucu a kan fialmi cu hihi a si: "Samaria Mitha pa a tuah bantuk in va tuah ve ti khi a si" (Luke 10:37).

Hlanlio Jesuh chan lio Jerusalem-Jericho lampi pakhat 

---------------------------

Bible Cherhchan:

John 4:4-42 "Samaria minu le Jesuh biaruahnak" ah Samariami nu nih a hmanmi biafang cu, "hi tlang cungah" timi zawn khi, Bible thiamsang pawl nih an ruah tikah Mount Gerizim timi a si.

Arctic Circle Tikhal A Timi Ruangah A Chuak Dingmi Harnak

Vawleicungpumpi lumnak ruangah vawlei a cunglei le tanglei i tikhal (glacier) kha an tii hna i, hlan chan in a lang ballomi vawlei le tlang kha an lang cang hna. Thingram tete zong an lang hna. A liamcia kum 40,000 tluk in tikhal nih a tuam i a lang bal rih lo mi vawlei an lang cang hna. Cu kong an ruah ah, khuacaan kong thiammi scientist pawl cu an khuaruah a har ngaingai ko.

Vawleicung ah tikulh lian bik timi Greenland a si. Hihi tikhal nih a tuam peng i a tu cu duhsah tein tikhal an ti cang. Cu Greenland i nitlaklei ummi Baffin Island tikulh in ramkung phun 48 kha hmuhmi tete kha University of Colorado Boulder nih an lak hna i, "radioactive isotope carbon" timi thil hlun kum tuaknak in an tuak tik ah, cu ramkung (plant) hna hi a liamcia kum 40,000 in tikhal nih a rak tuam cang hna an ti.

Vawleipumpi lumnak ruangah, kum chiar tein tikhal ton 390 billion hi a ti viar ti a si. Tikhal tambik an titnak hmun cu, Alaska, South America thlanglei hriang bik le Arctic circle (vawlei a cunglei) cem hin a si an ti. A liamcia kum 50 chung ah hin, tikhal a timi ruangah rili tii hi kutpinam 1 a kai cang. 1961 chung lawngah, tikhal 10.6 trillion tons a tii dih ti a si. Cu a timi tikhal ti nih, U.S State a niam deuhnak ummi 48 hi, pe (4) tluk thukin, ti nih a khuh khawh hna lai ti a si. 

 



Feshey Disko Bay ah aa vuanmi tikhal tlang

Cu ramkung (plant) an hmuhmi tete le cu ka hmun i khuacaan aa thlengmi kong an zoh tikah, cu ka ram khua caan hi a liamcia kum 115,000 chungah a lum bik kum a si tiah scientist nih an ti.

Scientist nih an hlathlai le tuaktannak ah Baffin Island hi kum zabu tlawmpal ahcun tikhal pakhat hmanh a um ti lai lo ti a si.

University of California-Irvine nih an hmuhmi cu Antarctica Continent tikhal hna hi a liamciami kum 40 chung hi a dang hmunhma nakin a let (6) a tit ning a rang deuh ti a si.

Hi bantuk in tikhal tlang timi ruangah rilipi tii hi 1979 in tuak tikah, lehmah cheu nak sang deuh a kai cang tiah an ti. Hi rili tii a kaimi nih hin, rikilam khua tam ngai a hrawh cang. Vawlei zong tam tuk rili tii nih a lak cang. Tikulh tam ngaite a hrawh cang i, kum 2100 ahcun Pacific Rili cung ummi ram fatete hi tam ngai an rawk lai i, vawleicung ah refugee an karh te lai ti a si.

Tikhal an tit ning hi a rang tuk. Cupinah tikhal kha a tumtlangpipi in an i cheu i rili ah an i vuan. Cucu "Iceberg" tiah Mirang nih an ti. Nai July 14, 2018 ah Greenland Tikulh i khuate pakhat pawng ah, tikhal a tlang (iceberg) lian taktakmi a rak tla. Cu tikhal-tlang cu, pe 650 a kau i, rili cungah pe 300 a sang ti a si. Khua ah minung 169 an um i, 33 umnak cu an him lo sual lai ti an phan caah an zamter hna. Cu Iceberg cu certual pahnih tluk kau a si, tiah New York Times ah an tial

Greenland khuate pakhat cu tikhal tlang nih a nenh dengmang

Hi Arctic Circle timi, vawlei a cunglei ummi tikhal tlang sangsang hna an tit ning a ran tuk caa hin, , vawleicung rili tii a thanning hi a rang tuk i, vawlei hmunkip rili kam ummi khua hi, an i rawk ngai cang hna. A cheu cu rili tii nih a lak hna. A cheu rili nih a phum hna. A cheu cu khua an niam chin lengmang i, rili tii nih a van luh hnawh hna i, a phum hna.

Cucaah vawleicung khua ah khua dawh le khua tha timi Venice Khuate hna, Bangkok, Jakarta, Dhaka le a dang khuatha tha tampi a hrawh lai ti a si. USA ram chung khua thatha a simi Miami, New Orleans, Boston, Los Angeles, San Francisco, Charleston (VA), Houston le a dangdang Florida le California khua hi tampi a hrawh te lai ti a si. Atu ah hin California rilikam tingtlang le innlo tam ngai hi Pacific Rili tilet nih a hrawh cang hna.

Cucaah khulrang tuk in a ti thluahmahmi Antarctica Continent tikhal thlang lianlian hna hi a tu ning tein an tit ahcun vawleicung hmun tampi ah rawhralnak a chuahpi ko lai tiah scientist pawl cu an thin a domh in an i domh ko cang.

California rilikam khua cheukhat cu rili ti nih hi tin a hrawh cang hna (2017)

 -------------------------------------------------

Zohchihmi Ca

1. USA TODAY: Melting glaciers in Arctic reveal land hidden for 40,000 years, study says

https://www.msn.com/en-us/weather/topstories/melting-glaciers-in-arctic-reveal-land-hidden-for-40000-years-study-says/ar-BBSTGVO?ocid=spartandhp

2. Mirang nih "Iceberg an timi hi Laiholh cun "tikhal tlang" (a tum-tlang in a ummi tikhal) tinak a si.

3. Tikhal (glacier) timi cu tlang le vawlei langlo in a tuamtu tikhal pawl kha a chim duhmi a si. 

Lairam Thingram Zohkhenh Herhnak Kong Daw Aung San Suu Kyi Bia

Naite ah Tikik Tikhawnnak Dam onnak ah Daw Aung San Suu Kyi a va kal ve. Hlan lio deuh ah, Chin State cu Kawlram bawi nih a philh bak in philhmi kan si. "Chin State hi khawi ka dah a um? Na kut dong sawh tuah?" ti hmanh ah, zawndamh hmanh in an rak sawh kho lo. Map hmanh ah motor lam kakhatte Kalaymyo-Tidim lampi le Kalaymyo-Hakha lampi pahnih lawng a ummi state a rak si.

Biapi ah a rak kan chia bak lo. Kan lamsul zong biapi ah an chia lo. Khua le innlo zong biapi ah an chia lo. Sianginn le sizung zong biapi ah an chia lo. Kan ram le miphun zong biapi ah a kan chia lo. Chin State pumpuluk cozah tangak budget le Yangon Saramdum budget hi aa zat ti a si. Chin State uktu santlaih lo zong a si. Kawlram Socialist Cozah santlaihlo zong a si. Aa buathua viar.

Kan ram Democracy phun deuh te ah a van i thlen tik ah le V.P. Pu Henry Van Thio hna a van um tikah, Chin State hi mithmai kan van ngei deuh ve i, Daw Aung San Suu Kyi hna Tikir khua a phanhnak a si. Thil khuaruahhar a si. V.P. Pu Henry Van Thio cung le Daw Suu cung zongah kan i lawm.

Daw Aung San Suu Kyi nih a chimmi tampi lak ah, thingkung le tupi zohkhenhnak kong a chimmi hi, Laimi ni biatak tein kan ruah a herh. A chimmi cu "Laimi nih thingkung nan hau tuk caah nan ram a phawng i a kawng dih. Thingram rawhnak nan tuar. Kachin ram cu an ram cung zuan tikah, thingram a hmawng tuk. A hninghno tuk. Nan nih ram cu thingkung a lotlau tuk cang. Nan thinghau ning le thing nan hman ning thlen a hau. Nan pawcawmnak lo tuah zong hi thlen a hau. Pawngkam zohkhenhnak ah nan i zuam deuh a hau...

Kachin ram cu ram rum an si. Hmunrawn a tam deuh. Ram rum le lung chuahnak ram a si caah, tlanglo tuah hau lo in cawmnak a tam deuh caah, Lairam he cun epchun awk a tha hrimhrim lai lo. Asinain Daw Suu Kyi biachimmi hi kan Lairam cozah lutlai hna le mipi nih biatak tein an ruah a herh. A dikmi a si i, Lairam caah a herhmi a si.

Thingkung cin hi Israel ram hna ahcun Jewish National Fund timi nih heh tiah tangka an kawl i, liamcia kum 100 chungah Israel ram ah thinkung million 250 an cin cang. Cozah bawmhnak an herh lo. Keimah zong nih $36 ka hlut i Israel ram ah thinlung kung hnih an ka cin piak ve. Laimi lakah Israel ram ah thingkung a cing hmasat bik ka si kho men. Thingkung cin hi ka uar taktak i, Israel ram zong ah ka hei cin ve ko. Nikhat caan khat Israel ka tlawn khawh ahcun Jewish National Fund an zung ah va len hrimhrim le an sining va hlat ve hrimhrim hi ka tinhmi a si.

Kenya nu Wangari Maathai nih Green Belt Movement ti in Africa ah thinkung a cin pi hna. 2011 ah a thi. A thih hlan ah Nobel Peace Prize an rak pek. Green Belt Movement nih nihin ni tiangah thinkung million 30 an cin cang. Nu pakhat cawlcanghnak bak in thinkung million 30 tiang cin cu a fawimi a si lo. Asinain tuah khawhmi a si ko. Lairam zong ah tuah khawhmi a si ve awk a si ko.

Asiahcun Aung San Suu Kyi bak nih a ka bak in a kan ti hnu ah, Laimi zeizat nih dah thingkung kan cin? Lairam cozah nih teh thingkung cinnak program a kan tuahpi maw? Krihfabu nih teh kan tuah maw? Khua le tlang nih teh kan i forh maw? Kan ram hi kan daw taktak maw timi hi, Laimi pakhat cio nih kan i hal taktak a herh cang.

Lairam le Kawlram a harnak cu kan lung fian a har tuk. Thuk pi in hmailei ca khua kan ruat kho lo. A tu lio ca lawng hi kan ruat. Cucaah Israel bantuk le Kenya nu bantuk hna cun rian kan tuan kho lai lo. A ruang cu kan thinlung hi a kan dawntu le khamtu a si. Laimi cu thingkung ramkung kan daw lo. Kan rem lo. Lairam ahcun chim lo in um ko cang seh. USA ram fim le ram thangcho kan phanh hmanh ah, thingkung thatnak kan thei kho lo. An rak cin ciami zong kan hau viar. Thingkung kan rem lomi hi, Laimi hi chan tiluan kan dawi khawhlonak a langhtetu thil pakhat a si.

Daw Aung San Suu Kyi nih Kalay in Thantlang in Tikir tiang helicopter in a hmuh dih tik ah, Lairam dihlak a hmuh ti tluk a si. Kan fingtlang le kan ram a phawnnak a hmuh dih hna ti tluk a si. Mifim tuk a si caah, Lairam ah hmailei ah zeidah kan ton te lai timi a hmuh colh ko. Kan thingkung ramkung a rawh tukmi hi, hmailei Lairam thanchonak dawntu le rawhnak chuahpitu ding a si, timi a hmuh caah a chimmi bia a si.

Lairam ah thingram a rawh ahcun, "tii a har lai; khuacaan aa rawk deuh lai. Nikhua a lin deuh lai; thli a chia deuh lai; cinthlaknak a har chin lengmang lai; atu Tikir Tikhawnnak dam hmanh kha a reu kho mi a si" timi a fiang. Cucaah Lairam ah thingkung zohkhenh le cinthlak a herhnak kong Aung San Suu Kyi nih a chim colh ko. Kan Laimi hruaitu tampi nih, Pi Suu Kyi bia hi fak pi in ruah le a tak in tuan i, thingkung cinnak project lianlian hi siam a herh.

Pi Suu Kyi cu, ram pumpi hruaitu a si caah, cu a chimmi bia hi Chin State cozah nih din tein ruah ding a si lo. Kan Chin State cozah zong hi biatak tein khuaruah an herh. Lairam cu Laimi nih kan ser awk bak a si. Lairam cozah nih Project tampi an ser i, cozah ah heh tiah tangka an hal kha a herh. Project suai lo in zeitindah central cozah nih cun tangka cu a tlakter lai? Daw Ang San Suu Kyi nih a chimmi bia kha biatak tein "action" lak i, Chin State ah thinkung million 300  cin kan duh? Project kan suai cang? Cu ka ah acre cu zat tibantuk in heh tiah suai i, cuticun Central Cozah ah budget ah tlakter ding a si.

Cuticun Lairam ah project tampi a um kho lai i, mipi rian tampi an ngei lai. Project lianmi pakhat ruang ah project dangdang le development dangdang a rat chih lai. Cun Lairam a hninghno fawn lai. Kan tiram a tha lai. Kan khuacaan a tha lai. Tii a tam lai. Cinthlak le zuatkhalh a rem lai. Thli a thiang lai i, kan ngan a dam lai. Thingkung a tam ahcun, a thatnak ding hi, chim cawk lo a si.

Cucaah Kawlram cozah lutlai bik nih an chimmi hi, tha tein "caan tha" ah ruat in, cu bia lila cu cherhchan le hman in Chin State cozah nih riantuan thiam le khuaruah thiam hi a herh taktak. VP Pu Henry Van Thio um lio te zong a si caah, Lairam caah  caan that lio te a si. Hi tluk caan tha hi Chin State cozah nih hman thiam le Project suai tik ah a lianlian suai ding a si. A hmetete tampi suai cu ram thanchonak taktak an si kho lo. Contractors i cuhnak le buainak men fang lawng a si.

Chin State cozah nih project tampi an suai lo ahcun kum zeizat hmanh kan hruai hna sehlaw, Lairam a thancho hnga tluk in a thangcho lai lo. Cucaah Daw Aung San Suu Kyi nih Tikir khua ah a chimmi bia hi, Chin State cozah nih zeitindah a phi kan chuahter khawh lai timi cu thuk taktak in ruah le lam kawl a herh!


                                             ___________________________



Chihchiah

Chin Ramkulh in a tlun lio ah Daw Aungsan Suu Kyi chimmi bia English in an chuahmi ka van tar chih. Hihi Myanmar Embassy, Washington D.C., nih an tialmi website ah an tarmi a si. A tlangpi cu, "Thingram a rawhmi ralrin peknak" ti bak a si. Lairam le Laimi ralrin a kan pek. Cucu Laimi nih kan fak pi in ruah awk a si hnga lo maw?

Warning on forest depletion

State Counsellor Daw Aung San Suu Kyi said when she flew to Chin State by helicopter she was delighted by its beauty.

“I also noticed Chin State needs to conserve the environment in the long run. What I mean is forest depletion,” said the State Counsellor. “We live in the world for a while. During the time we are alive, we, human beings, have to take responsibility to conserve the environment, including land and water resources.”
“We are not owners of land and water resources. We are caretakers. So, we have to understand that we have to conserve them and pass them to the next generation in good condition,” said the State Counsellor.
“Even more important is the socio environment, and all the national brethren of Myanmar have to take responsibility for their attitude, because the current generation has an opportunity, to a certain extent, to influence the attitude the next generation adopts,” she said.
“I would like to urge the current generation to make the best of use of opportunities to cultivate the next generation,” said the State Counsellor.

Online Hlennak le Dehnak

A tu kan chan cu "Vawleicung dawr kal zor i, online dawr kal a karh chan a si." Thil fate  in, thil nganpi tiang online in cawk khawh a si. Motor in computer in drone tiang cawk khawh a si cang. Online in kawl khawhlo le cawk khawhlomi thil a um ti lo ti tluk a si. Ngaknu hmanh inn ah len hau ti lo in, "online in len (online dating) chan a phan i, online in aa leng i aa thi-ummi nuva an tlawm ti lo." Chungkhar hmanh online in dirh hram thawk a si cang. Laimi hmanh, parcel nak sang deuh in, online in aa leng i aa thi-ummi an tlawm ti lo.

Online dawr kal le thil cawk hi a thatnak tampi a um. A chiatnak zong tampi a um. Micheu caah miaknak tampi a um bantuk in a cheu caah sunghnak tampi a um ve. Cucaah online dawr kal hi ritlak a tam deuh i ralrin zong a hauhnak a tam deuh. Zeicatiah vawleicung dawr taktak nakin hlen a fawi deuh caah a si. Vawleicung dawr ahcun "Zei hi dah a tak a si i, zei hi dah a lem a si?" timi theih a fawi. Minung taktak he bia ruah a si. Online ahcun a tak le a lem theih a har. Biaruahmi minung zong muihmuh a si lo caah, zei bantuk minung dah ka chonh? Khawika rammi dah a si? A biachim holhrel le a cawlcangh hi zumh tlak a si maw si lo timi hngalh a fawi ti lo. Cucaah a thilri zong ah palh khawh a si i, a minung zongah palh khawh a si. "Double" in palh khawh dingmi a tam tuk.

Phone le online (internet) in i hlennak le dehnak hna hi, Mirang holh in "Online scam and fraud" tiah an ti. Lih in thil tuah i hlen i an tangka le sining (identity) lak piak in thil tuah kha chim duhmi a si. Hi online hlennak le dehnak hi a tam tuk cang i, minung tampi sunghnak an tong cang. Hihi computer riantuannak a sannak ah a tam khun i a san zong a sang khun.

Fimzer chan a si caah, miphun dang cu chim lo, Laimi le Laimi hmanh aa hlengmi le aa dekmi an um pah len cang. Laimi sin hmanh ah, ralrin taktak a hau. Khua pakhat ah "Gas" caah Lai mi pa pakhat nih, midang min in aa tuah i, harnak a tongmi pakhat ka ton bal. Khua pakhat ah, Laimi pa pakhat nih, a dang Laimi pa min in internet le phone service a lak bal i, harnak a tongmi ka theih bal. Lai pa pakhat baak nih a hawipa min in credit card aa tuah i tamlak a sunghter than. Cucu keimah pumpak nih ka theihmi thil an si. Ka theihlomi tam tuk a um rih kho men.

Scam hi FBI le U.S cozah zong nih biatak tein an doh tuk nain an tei kho taktak lo. Pakhat an tei ah a dang pakhat a chuak than. Cucaah zapi zaran nih theih khawhlo dingmi scam hi kan pawngte ah a um ko timi hi, kan fian le ralring tein nun kan herh. Culoahcun har le fe tein kawlmi kan tangka hi luklak ah ek lak in lak piak khawh a si.

A bik in fimnak a sannak, Europe le U.S ah hin kan i ralrin khun a herh. A ruang cu Website a lem tampi  a um caah a si. Tu chan cu fimchan a si. Fir chan le lihchim chan zong a si. Europe le U.S cu chim lo, Nigerian Scams hmanh nih hin, minung tamtuk an hlen cang hna. US ummi Laimi pastor pakhat le Evangelist pakhat zong Nigerian Scams nih an hlen hna le tamlak an sung bal.

Cucaah na email ah "Nigerian ram in mirum le company ngei ka si. Tangka cu zat cu van tun law cu zat cu a miak na hmuh lai" timi email phun na hmuh ahcun, "Nigerian ram in tuphaw aa khuhmi cenghngia an ra cang?" timi kha ruah cia a herh. Rul bantuk in fim a herh.

US ah mi tampi hlen an tonnak cu, "IRS kan si? Cozah zung in kan si?" tibantuk in hlen i tangka cawh hi a si. U.S ah a lar cemmi hlennak cu "Mi credit card in mah dawr thil cawkter" a si. Keimah zong ka credit card $45 in voi (4) an lak. Ka chek i ka theih. Ka lak khawh than i, ka credit ka rak thah bal. Cucu pumpak ka tonmi a si.

Voi khat cu ka hawipa pakhat nih, "Kan nu hi rian a tuan peng ko. A tangka hi kan hmang lo nain ka zoh le a karh kho bak lo. Zeidah a cang hnga? Kan thei lo" a ti. "Online in cheknak nan tuah maw?" tiah ka hal. "Kan tuah lo" a ti. Ka tuah piak hna i, online in an tangka cu ka chek piak hna.

Aa hmannak cu a rak tam ngai. A zapite $2,500 kuakap a si. Aa hmannak cu "Cincinnati Bell timi telephone company te hna, Duke Energy timi company te hna le a dangdang hmun li tluk a si." "Hihi zeidah na tuahnak le na hlohmi an si?" tiah ka hal. "Ka thei lo. Ka hlo bal lo. Cell phone zong ka ngei lo" tiah a ti. Hlen le lih a si timi ka fiang colh.

Bank ah ka va kalpi. Bank nih an timi cu, "Bank statement thla (3)  chung kan kuat ko. Zeitikhmanh ah a claim lo caah, kan policy a si caah kan bawm kho ti lo" tiah an ti. Keimah nih ka chonh piak i, tam lak te cu kan hmuh nain, zei maw zat cu a sung. Cucaah "Ka tangka lutchuak hi a hman maw hmanlo?" timi hi online in zarh khat ah voi hnih-thum cu check hrimhrim a herh.

Zeidang hlen hi cu a zia ngai. Hlen lakah hlen fak bik le a mualpho thlak ngaimi cu,  "Ngaknu tlangval uarnak (romance) in hlennak hi a si." Na ton ve sual lo ding a herh.

1999 kum ah, Dayton i UTS sianginn ka kai lio ah a si. India ram Delhi khua in ka hawipa pakhat cu, U.S ummi Philippines nu he online in an i duh. Biattak tein an i duh. Cu nu nih cun email in hmanthlak a van kuat. Kum no te a si. Fa pakhat ka ngei a ti. Fakhat ngei le pangpar tonh an ti bang, aa dawh taktak khi a si. Zei bantuk pa paoh nih helh le thit duh ding in aa dawh. Ka hawipa le cu Philippines nu cu sau ngai an i duh. Telephone in an i chawn. Nu nih cun, a tah hna a van tah hnawh. A nuar hna a nuar. Ka hawipa cu a mah te hmanh scholarship ngah lo le har chinchap ah. A tah hna a van tah tik ahcun a zaang a fak. A lung a nuam ti lo i, tangka hna kha a kuat. Phone card hna a cawk piak. A caan ah keimah hna nih tangka a ngeihlo caan ah ka cawih rih.

U.S ka phanh ka a si. Thil sining khi ka thei kho lo. An i duh taktak in ka ruah ko. Nu tah aw zong cu ka van theih ve tawn. A tah tik ahcun ka hawipa cu a lung a nuam lo. A zaang a fak. Cu nu nih cun Dayton ah rak tlawn zong aa tim. Vanlawng ticket cawk piak ding tiang hmanh khi ka hawipa nih a timh. Cuticun sau ngai an i duh. A sinain a caan a phak cun ton khawh ding lam a fawi ti lo caah, an i pehtlaihnak a cat.

Nikhat cu, ka hawipa cu, "Nan i duh ti maw?" tiah ka hal. "It is wasting time and money" (Caan le tangka pam za a si) tiah a ti. "Caan le tangka pam za a si" timi a theih cu, a rak tlai tuk cang." Cu lio ah ka hawipa nih siseh, keimah zong nih siseh, kha bantuk online in ngaknu tlangval hlennak kong kha kan rak thei bak lo. A um kho ding pungsan khin kan rak ruat lo. Kum tam deuh U.S ka um hnu lawng ah "Uar hlennak" (Romance scam) a si kha ka fiang.

Romance Scam hi "Uar hlennak" tiah ka ti. Zeicatiah minung kha i uarter i, an tangka a lak khawh chung in lak piak a si. Velhle dawtnak le duhnak in aa thawkmi hlennak a si. Velhle hi tih a rak nung taktak. Zeicatiah velhle cu thlachiat a ruat lo. Amah ca lawng aa ruatmi a si caah a si.

Philippines nu zong cu, "fidi" bantuk a si. A rak tuah tuk cangmi le a cawng tuk cangmi a si caah, a van i tahter ahcun ka hawipa cu a celh in a rak celh lo. A zaang a fak tuk. Keimah hmanh khi ka lung a rak tha setsai lo. "Rak in tlawng seh. Kan donpi te lai" ti hna ka hei ti len. A hnu ka ruahmi cu, "Maw theihlo fah" ti ceu khi a si ko. A hnu ahcun, ka hawipa cu "A lu lawng a lei ko."

Cu nu cu "Philippines taktak a si zong thei hlah. A hmantlak le a chawntu kha an i khat maw, an i dang dah ti zong thei hlah. An i chonh lio ah hin, a vapa he an thu ti maw, an um ti maw timi zong thei hlah. Nuntung a si tak le ngaknu a si zong thei hlah. Khawika khua a um zong thei hlah." Ka fian hnu ah ka ruat. Cu bantuk minung he online duh hi, "Mithla he duh tluk a si" ka ti. Cu nu nih minung zeizat dah a hei hlen hna lai i, a paw zeitindah aa cawm lai? " timi khi ka ruat.

Nihin ni ah Laipa tam nawn hi "Facebook" in Lainu tam nawn nih "Uar hlennak" (Romance scams) an tuah cang hna. Keimah pumpak theih bakmi a si. A cheu cu dollars 500 renglo sung um.

Laimi zong kan fim tuk ve cang le Philippines nu bantuk hlen hmang zong kan um kho ve cang. Laipa le Lainu zong uar hlennak (Romance scams) kan i mih sualnak hnga lo ralrin a herh. Tangka sungh lawng siloin nupi fate zong sunghk khawh a si. Nupi le cheukhat zong vale he buai khawh a si. Lai nupi cheukhat zong Facebook ah aa mihmi kan um pah len cang. Ralrin a herh.

Hi bantuk duhnak hlennak (Romance scams) hi U.S le Australia le Europe ah tambik sunghnak a chuahpitu thil pakhat a si. Duhnak hlennak ruangah, nikum 2018 ah vawleicung pumpi ah million 800 sunghnak a chuak tiah FBI i online scam le fraud lei a tlaitu nih an ti. Online duh hi "Velhle duh" a tam caah, i co tung lo i mah zatzat sungh cu a pawi taktak.

Uar hlennak ah hin, ngaknu hi tam deuh hlen an tong ti a si. Tahchunhnakah, US ram chung ah,  ngaknu kum 40 le a cung lei hi tambik hlen an tuar i, nikum ah an sunghmi hi $68.5 million a si; pa kum 40 le a cunglei sunghmi hi $13.8 million a si. Nu le pa kum 39 tang nih an zapite sunghmi hi $4.4 million a si. Cu thil nih zatlang nunnak ah a langhtermi cu "Nu hi kum 40 si hnu ahcun an van a rak sang deuh i rit an la deuh tinak a si" tiah an ti.

Careltu hi ngaknu na si i kum 40 leng na kai ahcun hlen na fawi deuh kho ngai i ralrin deuh na hau kho men.  Online scam le fraud ah hin ngakchia hmanh an hlen hna. Tar zong an hlen hna i, hlen a tong bik cu kum 70 cung an si ti a si. A ruang cu kum 70 cung cu thluak nih thil a tuak kho tuk ti lo. Chimmi paoh zumh a fawi cang. Ngakchia thluak bantuk an si khawh caah a si.

Uar hlennak ah hin tambik a sungmi pakhat cu Debby Montgomery timi nuhmeinu a si. Mormon Krihfa a si. A va pa a thi i, a um a har. A li a leng. Thla nga a rauh, November 14, 2010 ah "Online dating site" timi ah Debby cu a va lut. Cu ahcun a lungthin a khawih ngaimi pa he an va tong i, an i duh. Thla 22 tluk an i duh. Cu online tlangval pa cu, Eric Cole timi England ram in pahmei pa he online in an i duh. Debby Montgomery cu a rum ngaimi a si. Eric Cole nih cun Ph.D ka si, Malaysia in India ah thing sunglawi a zuarmi ka si. Kum khat ah million tampi thing zuarnak in a hmumi ka si. Krihfa ka si i, khual tlawn ka huam ngai le ram kip ka tlawng a ti. A holh zong England holh a si. Ni chiarte email an i kua i, thla khat hnih ah an i duh. A donghnak ah an i duh taktak i, a donghnak ah pa nih tangka a van cah i, Debby Montgomery nih cun voi thum a hei kuat.

Debby nih cun tangka a kuatmi cheukhat cu record aa chiah i, $70,000; 10,000 le 105,000 a kuatnak recoard a um. Cu hna cu Hong Kong, Kuala Lumpur, Kowloon le London ah a si. A donghnak tiang a kuatmi dihlak cu $1,000,000 a si. Cu hnu lawng ah, Eric Cold timi cu midang siloin Nigerian Scam i minung pakhat a si. FBI zong nih, "Khawika dah tangka an thoh i, khawika dah a dongh i, ho dah a cotu a si?" timi an thei kho thai lo.

Uar hlennak ah hin nuhmei le pahmei an tuar khun ti a si.

Zeidang tangka le chawva hlennak cu chim cawk a si ti lo. Kan tial cawk lai lo i a biapimi le thil cangmi tlawmte van tial ka duh chap. Klen le deh hi phun tampi a um. Cu lakah a tam khunmi cu:

(1) Thil man fak ngaimi deng tein zuarh "prize scams"
(2) Tangka mah zat hi rak tun law hi zat na hmuh lai timi "money scams"
(3) Ngaknu tlangval i hlennak "dating or romance scams" (uar hlennak)
(4) Na tuah lo ahcun vanchiatnak na tong lai ti in, "Pathian bia in hlen i tangka nem tein lak piak."
(5) Rian kan ngei; rian rak tuan; tangka hi zat van tun chung ti phun in hlennak
(6) "Identity theft" timi social, min le address hmang in mi min in "credit card" tuah le thil ba lak.
(7) Ngaknu ka si; ih-ti na duh maw ti riangmang in a donghnak ah credit card tangka lak piak

Minung kan karh bantuk in fimnak zong a karh i scams phun zong a karh chin ve. A tu chan ahcun, cawpi le rangpi va fir kha a um ti lo. Online in mi tangka kha hlen le fir chan a si cang. Cucaah "Online scams" ah hin minung tam tuk rap fawih in an i fawih. Online scam tambik an sunghnak cu hi tin a si tiah Scamwaitch.gov.au nih an tial.

1. Ngaknu tlangval uar hlennak (dating and romance scams)
2. Sipuazi tuahnak (investment scams)
3. Tangka a hlei in cawh (False billing)
4. Online thil cawk (online shopping scams)
5. Hrocer, thahnawn le tlaihkhih in hlennak (threat to life, arrest & others)
6. Hacking timi "mi min le sining fir piak le a donghnak ah an tangka lak piak"
7. Lamhlat pi'n an tangka fir piak (remote access scams)
8. Nigerian scams timi Nigerian in meiti mirum ka si; tangka van tun ve law a let in na hmuh lai timi.

Hi a cunglei scams lak ah No.8 "Nigerian scams" timi hi a tam ngaingai i, ram dangmi tampi an i fawihnak a si. Hi Nigerian scam ah hin, mi tampi an sung.

Tu chan ahcun, online ah hin website tam tuk a um. A cheu cu an tha ko nain a cheu cu an tha hrimhrim lo. Amazon te hna hi cu a himbawm ngaimi website an si. Company lianlian a simi Wal-mart le BestBuy tibantuk hna cu a himbawmmi an si. Craiglist le eBay hna hi an himbawm tuk lo. Zeicatiah hi website pawl in minung tampi hlen an ton caah le lih in website lem an um caah a si.

Online hlennak kong ahColumbus news a chuakmi pakhat cu ka philh kho bak lo. 2011 ah Craiglist website ah leikuang kaupi ah rian kan ngei. Zarh khat ah $300 kan in pek hna lai ti in rian an thanh i, lam hlatpi in Ohio ah riantuan ah pa (3) an ra. Cu hna cu Ohio Akron khua in Ralph Geiger (56), Norfolk, Virginia in David Pauley (51) le Massillon, Ohio in Timothy Kern (47) an si. Cu hna cu Ohio mi rianngeitu aa timi hna nih, muilai te ah ramtang ah, meithal in an rak kah hna. Pahnih an thi. Pakhat hma a pu i mui lak ah a zam i a luat. A thattu Richard Beaseley (52) le tlangval Brogan Rafferty (16) cu an tlaih hna. An tlaihnak hna a ruang zong cu, mi pakhat thah an timhmi kha a ban ah an kah i, a zam i a luat. Cu pa nih cun a phuan hna caah a hnu ah an tlaih khawhnak hna a si.

Craiglist ah rian ka ngei ti in, doctor pakhat nih rian cu a thanh ve. September 2012 ah nau pawimi nu-Deanna Ballman (23)- nih a va sawk. Cu nu cu Colorado in Pataskala, Ohio ah ah a rak i thialmi a si. Doctor pa nih cun cu nau pawi nu cu "heroin" timi bingrang a rak chunh i a thi. A hnu ah  hlan deuh i doctor a rak simi Ali Salim an tlaih. Nu cu a tlaihhrem ti zong a si rih.

Cuticun Craiglist ah hin minung tam ngaite nih harnak an tong bal cang. Cucaah online in thil cawk le rian sawk tikah ralrin a herhnak tete tampi a um. Tangka sungh cu a zia ngai. Nunnak hmanh loh khawh a rak si timi philh lo a herh. Pumpak inn le rian umlonak ding hmun hna i, "interview" an in auh hna ahcun mah lawng cun, kal ding a si lo.

Naite February thla chuakka ah Columbus, Ohio ah a ummi nupa hna-Kelly Albert le a vapa-cu eBay nih an tarmi Craigslist website ah motor tha ngaimi cawk ding an hmuh. A zuartu hna nih, "Ralkap kan si. Ka dang ah a  kan kuat i, aa thial chawm ding kan si. Cucaah khulrang tein zuar kan duh" tiah an ti.

eBay i thil a zuartu nih an timi cu ATV cawknak caah $2,500 hi eBay gifts cards in kan duh. Cun $1,000 hi a cawtu pa nih amahkhannak (buyer security) caah a hau an ti. Kelly Albert te nih cun, website ah an hmuh chap rihmi cu aa deng deuhmi ATV kha $1500 in an hmuh. Cu pin ah, a cawntu amahkhannak (buyer security) caah aa deng deuhmi $500 man an hmuh chap. Cucu website a kam te ah an van zuar chihmi an si.

A zuartu nih an thawk hna i, Mrs. Albert cu "Na cawk dih hnu ah rak kan chawn te. Numbers pawl aa tialmi kha na van rel lai i, na rel dih i escrow (ngunkhuai) account ah tangka a rak lut lai" tiah an ti.

Kelly te nupa nih cun a taktak ah an ruah i, an van cawk. ATV ca le Buyer security ca he an van cawk. A donghnak ahcun $5,500 an sung. An van hlat tik ah, a zuartu a ho si zong an thei lo. Tangka khawika dah a dongh ti zong an thei kho lo.

Central Ohio ah ummi Better Business Bureau ah an va chimh hna tikah, "Hi bantuk hi a dang zong Columbus area ah a tongmi an um len" taih an rak ti hna.

Kan Laimi pakhat zong eBay ah motor aa cawk sual i, $5,000 kuakap maw si a rak sung bal. A rak chimmi cu, "Motor Toyota Corolla an zuar le aa deng tuk. Ka chonh hna le ralkap ka dang ah aa thial ding kan si caah, khulrang in thial kan duh. Cucaah deng tuk in kan zuarnak a si" tiah an rak ti.

"Ka caw lai maw?" tiah a rak ka hal.

"Cawk ding a si lo. Toyota Corolla hi tluk a tharmi cu, cu zat lawng cun an zuar kho hrimhrim lai lo. Caw duh hlah. Hlennak (cheme) a si kho" tiah ka rak ti. An i chonhkhianh ning a that tuk caah a rak cawk. Nikhat hnu nikhat a hngah lengmang le a ra bal ti lo i a donghnak ahcun FBI tiang a rak chimh hna nain, zeihmanh an hlat kho lo. A cawkmi motor cu nihin ni tiang a phan ti lo.

FBI nih an tuak tik ah, motor hi lih in an zuar tikah an zuarnak a ruang tambik cu hitin a si an ti:-

(1) Ralkap chungkhar kan si i, ka dang ah khulrang in thial kan duh caah a si
(2) Kan nuva in kan i thenrawi caah ka dang thial ka duh  caah ka zuarmi a si
(3) Mah motor hi kan chungkhar a thimi an um caah a kan chiahtami asi le kan herh ti lo

Hi thil pathum in minung an hlen cem hna ti a si. Laimi ka hawipa zong an hlen. A dang zong a tongmi tampi an um ve.

Naite ah Laimi nih kan upat ngaingaimi Evangelist pakhat he kan i tong. Internet in online hlennak kong cu kan i ruah. A chimmi cu hi tin a si:

"Nigeria ram in online in tangka thawng cu zat a kan hlen" tiah a ti. An hlennak hna kong a van chim le khuaruahhar a si. Kan mah cio zong email in voi tampi hlen a kan zalh. Careltu zong hlen an in zalh hna caan a tam pi lai tiah ka ruah. Online in hlen hmangmi an tam tuk cang caah, theih fian setsailomi thil cu tuah lo bak ding a si. Laimi pastor le Evangelist zong hlen an ton ve tik ah, a dang zong ton khawh cio ngai a si.

Hi kong hi chim ahdun a dong kho ding a si lo. Nihin ah Columbus ummi Terry J. Boutwell (k.35) le Tiffany A. Strobl (39) le Miami, Florida ummi nu Salitha R. Schexnayder (39) cu USA ram pumpi ah, online in minung 600 sin ah, $5,000,000 man motor lih in an zuar caah an tlaih hna. Strobl cu nizan Nilini ah tangka million (2) renglo fir le ningcang lo in hmuhnak ruangah ka palh tiah a ti.

USA lawng siloin Africa ram Nigeria le Morocco tibantuk ram hna in, lam hlatpi ummi kha an van hlen ko hna. Online hlennak cu khawika paoh in a si kho. Zeitluk hlatnak zong in a si kho i, lam naite zong in a si kho. Hihi suimilam pakhathnih chung ah a chuak khomi a si.

Online thil na cawk tik ah va ralring. Na theih setsailomi le na fian setsailomi cu ral tha tuk in va caw hlah. A bik in ningcang lo tuk in aa dengmi thil va caw hlah. Aw nem tuk le tha tuk an chawnmi kha va caw hlah. A man na det i fawi tuk in a tummi kha va caw hlah. Thil kha, "A man, a kum le a quality" tha tein va tuak. Aa kaih lo tiah na thinlung in na ruahmi cu va hrial.

Uarnak in online ngaknu na helh tik ah va ralring. Online in, a aw a nem tukmi, lem aa thiam tukmi,  tah le hnoh a thiam tukmi cu, va zum duh hlah. Nangmah an tah hnawh le hnoh hnawh bia siloin na dollars a tah hnawh le hnoh hnawh bia a si timi kha va thei." Cucu nangmah le na tangka caah himnak a si deuh men lai! Zeitluk in na fim le na ralrin hmanh ah, an nih cu a cawng tuk cangmi an si caah, na luat lo kho men.

Cucaah "Online in thil na cawk tik, ngaknu na helh tik le tlangval na helh tikah va ralring. Ka tuahmi hi a tak maw a si? A deu dah? Biatak maw a si? Lih dah? Ka zohmi website hi a dikmi maw a si? Lih website dah?" timi na ralrin lo ahcun sungh le zatlak he ka hlat lo timi va thei."

-----------------------------

Chinchiah:

1. "Here are the top online scams you need to avoid today" ah Online scam kong an tialmi hi rel ding tha a si. https://heimdalsecurity.com/blog/top-online-scams/

2. U.S cozah website tialmi "Report Scams and Frauds" zongah online scam kong hi tling ngai in an tial. Europe Scam, Nigerian Scam le IRS Scam tiang in a tling dih. "Housing Scam" timi inncawk le zorhnak i scam tiang a tling dih.  https://www.usa.gov/stop-scams-frauds

3. FBI: Victims of online fraud lost 800 millions to scammers last year
https://www.cso.com.au/article/575777/fbi-victims-online-fraud-lost-800m-scammers-last-year/

4. In love, Lake Worth woman Gave online stranger $1 Million, lost it all"

https://www.palmbeachpost.com/news/love-lake-worth-woman-gave-online-stranger-million-lost-all/vzsj9kbiO9d3g0JKJCal2O/

5. Online Scam le Fraud a tambikmi hna cu a tanglei thil hna ah hin an si ti a si.  Laiholh in leh awk an that tuk lo caah an mah Mirang ca an tial ning tein ka van tar hna. Online Scam hi tih a nun tuk caah, Mirang ca rel thiammi nih cun tampi rel i, Laimi mipi sin ah ralrin chimh le hmailei ah harnak ton lo ding hi, ruahnak i pek cio a herh.

Phishing email scams
The Nigerian scam
Greeting card scams
Bank loan or credit card scam
Lottery scam
Hitman scam
Romance scams
Fake antivirus software
Facebook impersonation scam (hijacked profile scam)
Make money fast scams (Economic scams)
Travel scams
Bitcoin scams
Fake news scam
Fake shopping websites
Loyalty points phishing scam
Job offer scams
SMS Scaming(Smshing)
Overpayment Online Scam
Tech Support Online Scams

U.S Khuasik le Innlo Ngeilo Hna Temtuarnak

Ka nunchung ah innlo ngeilo ka hmuh hmasat cem hi, Mandalay University ka kai lio 1984 ah a si. Mandalay innlo ngeilo tam ngai an rak um. An nunnak hi a rak har tuk. Ni a linh tikah a linh ning in le ruah a sur tik ah a sur ning in an rak tuar. Dawrnak a thatnak paoh ah an rak i dor. Zaangfak tuk an rak si. Fikfa nih chun he zan he a seh hna. A cheu cu kutke bul an si. Fikfa nih a seh hna zong ah huahnak kut an ngei lo. An taksa hi a hma dih. Tho nih an hma a tlanh pah hna.

1997 ah USA ah ka ra. Ram rum an si le innlo ngeilo cu an um tuk lai lo tiah ka rak ruah. Khualak ah ka ke in ka chawk. Khuasik lak le vur lak ah a ke in aa chawkmi innlo ngeilo hmunkip ah ka hmuh than hna. Mandalay nak hmanh in an tam deuh. Ram sifak cu innlo ngeihlo an tam tuk cio le a zia ngai. Ram rum i innlo ngeilo si hi zeitluk in dah a har hnga timi ka rak ruat.

Cun snow tlaknak le tlikik lak i, khualeng le hleitang hna i a umi innlo ngeilo tampi ka hmuh hna.  U.S cu khuasik ahcun a kih tuk caah, Kawlram innlo ngeilo nakin U.S innlo ngeilo si kha a har chinchin. An temtuar ning a fak tuk. Motor chung le innchung in cun, "inn ngeilo dirhmun hi zei tluk in dah a har?" timi theih fian khawh a si lo. Cucaah, catialtu cheukhat cu "inn ngeilo" (homeless) sin bak ah a zarh in khua a va sa. Awkhlawh rian an va tuan. Ca an tial i, "Innlo ngeilo zeitindah kan zohkhenh khawh hna lai?" timi khua an ruat. Cuticun innlo ngeihlo bawmhnak an tuah hna.

Nai Polar Vortex lio ah innlo ngeilo 15 an khal i an thi

Voikhat cu zantim ah kan nu a riantuannak ah ka va la. Snow a tla. Thli a hrang. Motor dah ti lo cu aa chawkmi thil ka hmu bak hna lo. Downtown phak lai te ka va phan. A kih tuk caah, ka motor hmanh tha tein a lum kho lo. Cu lio ah "inn ngeilo" (homeless) zei maw zat hlei tang ah, naih tein a rak thumi minung pasarih-riat ka hmuh hna. Ka lungthin hi a kekkuai bak. Ka bawmh khawhmi hna a um fawn lo. Ram dangmi kan si. Kan mah nunnak hmanh harsa tein kan um. Keimah le keimah hmanh ka zohkhenh kho ve lo. Motor chung hmanh hin, hi tluk a va kik si kaw, khi hlei tang thli kik "veu-veu" in a hrangmi ah, phentu zeihmanh um lomi hleitangah an thu ko. Zei tluk in dah a va har hnga, timi ka ruat i, cu zan cu ka hngilh sia zong a rem lo. Cu zan i ka hmuhmi innlo ngeilo pawl kha a tu tiang ka mitthlam ah an cuang.

Kan umnak Ohio hi U.S chaklei hriang ah a um. A kih caan ahcun a kik taktak. Khua sik hi innlo ngeilomi hna caah cun "Hell" bantuk in a har. A kih tuk caan ahcun, Ohio khuasik nih cun "Hell hmanh hi a daih khawh men lai" ti tluk in a kik ve tawn. Cucaah, khuasik tlak lai hi, inn ngeilo pawl kong ruah ah, ka lungre a thei i ka khing a rit tawn. Ka hmuh hna ah hin, ka nun si a vang.

Chicago: Hi bantuk khua i Homeless si cu Hell pakhat bantuk a si

U.S hi ram rum le ram thawng tuk a si nain innlo ngeilo an rak tam tuk. U.S ram khualian paoh ahcun an um dih. California ah an tam khun. U.S ram pumpi ah minung million 325.7 (2017) ah an um i, 2018 ah hin innlo ngeilo a 553,000 an  um. U.S innlo ngeilo hi Lairam Kulh minung nakin an tam deuh tinak a si. Chicago khua pakhat lawng ah hin, innlo ngeilo 80,000 an um ti a si. Hi vialte hna hi, U.S ah umnak ngei lo le ruahchannak ngeilo in, a tlawnglengmi hna an si.

Voi tampi cu Columbus chaklei sang ah burbuk tang ah plastic deu te ah a ummi homeless ka hmuh tawn hna. Kan sang Library hrawng ah zan khuasik lak ah, bag te aa bai i, inn ngeilo aa chawkvakmi ka hmuh tawn hna. A cheu cu fa hna an i puak rih. A caan ah a run tein an si. A caan ah a pikpak in an vaak. A caan ah palik nih an rat hnawh hna. An khua a sik tuk. A celh in an celh lo. An nih cu lawinak inn reprai an ngei lo. "Tu zan hi, khawi ka dah an va lawi hnga?" timi ka ruat tawn.

Innlo ngeilomi hna "runinn" tha bik cu hihi a si ko

Homeless si ciocio zong ah a linhnak ram homeless si cu a zia deuh ngai. A kihnak ram homeless si cu a fawi lo. A kih tuk caah kum chiar in, innlo ngeilo 700 hrawng hi khuasikdamlonak (hypothermia) in an thi tiah National Coalition for the Homeless nih 2010 ah ca an chuah. An thih tik zongah hawi thih he an i lo lo. Zuatmi uico thih tluk hmanh in an thi lo. An umnak hmun ah, an celh ti lo hnu ah, an va thi men. A ho nih domhtlaihlo le zunmuai lo tein an thi. Nulepa nih a chuah ka ah, "Ka dawt, ka dawt" timi fanu fapa cio an si ko. An thih ni ahcun, a ho nih domh tlaih lo tein an nunnak a liam. Zu le va bang in an nunnak a liam i, an ruak in an rak phawh tawn hna.

Voi tampi cu Kawlram homeless kha ka hei ruat than tawn hna. Kawlram i innlo ngeilo si kha cu, a zia ngai ka ti. A ruang cu kan si a fak viar ngacha. Innlo chia a tam tuk. Thingkung tang le burbuk lakah khuasak khawh a si. A zia tuk. U.S bantuk in a rummi ram, innlo thatha le umnak, eidin tamnak, tangka tamnak le mirum milian tamnak, motor thatha ti cawklo umnak ram i, homeless si hi a har tuk ding a si.

A bik in chungkhar in homeless a simi ca ko ah a fak khun. U.S ah an tuak tikah, innlo ngeilomi hna hi a buaktlak in kum 11 kuakap hi a tam bik ti a si. Ngakchia zeihngal lo tete, an nulepa hram ah "homeless dirhmun" in van hmuh ahcun lung a tha lo tuk. Lungthin a kekkuai tuk. A cheu cu homeless a huami le a nautatmi hna an um. Homeless pawl sining a zuar i a miak kawlmi misual zong an um ve. A pawimi a tam tuk. Nu ko hi an temtuar khun. Tlaihrem zong aa huahmi an um. An caah tih a nungmi a tam tuk.

Cu bantuk harnak phunkip an tuar lio caan ah, a har khunmi khuasik hi a si. Khuasik hi innlo ngeilo pawl caahcun "Hell" a si ko. Khuasik hi homeless tambik nunnak a latu kokek thil pakhat a a si.

Naite January 29 in a chuakmi "Polar Vortex" timi khuasik nih U.S Midwest States 12 cu a van den ciammam i, harnak tam tuk a kan pek. A kih ning hi a celh celh a si lo. Minnesota ahcun thli kik hi (-70 F) a phan. Tihnung taktak. Lake Michigan cu a khal dih i, a cungah cycle cit khawh a si. Tilawng zong an kal kho lo. Tisa tlawkmi thlet tikah vawlei a phanh hlan ah snow le ice ah aa cang manh. Cil chak tikah a khal manh. Cu tluk a kikmi ahcun, "innlo ngeilo cheukhat cu umnak inn an ngei lo i, lamkam le burbuk ah saram bang an um ko hna."

Minnesota ah thlikik degree (-70F) a phan. 

Polar Vortex timi a caancaan te ah a chuakmi a si i, tih a nung taktakmi khuasik thli a si. A kik taktakmi Polar thli kha a tom in a hrang i, celh a chuaklomi khuasihnak a chuahpi. Polar in a rami thli a si caah, Polar Vortex an tinak a si. Khuasik thlichia pakhat a si. Hi lio caan ah hin, Homeless pawl ruah ah lung a nuam lo khun ko. Zeicatiah a khuasik a fah tuk caah a si. A lumnak thlahmi innchung hmanh ah hin, a celh in celh a si lo lio caan ah, hleitang le innkam hna i ih le thut cu a fawi lo.

January 31, 2019 Midwest State pawl a kihlum a si. Windchill cu "Thlikik" tinak a si

Hi lio ah homeless an tamnak Chicago ko hi a buaimi a si. Chicago Downtown aa dawh tuk i, khua nuam tuk a si nain, khualai hrawng hi innlo ngeilo an tam tuk i lungrawk taktak khi a si. Atu President Trump hotel pawng hmanh hi innlo ngeilo tampi an um. Ihkhun hna an i chiah. Deu an i sak i cu ti cun an thudir hna. A tu bantuk in Polar Vortex um lio ahcun a fawi lo. Thih khawh a si. Vur lakah an thu. Vur lakah an it. Vur lakah khua an sa. Lumternak zeihmanh a um lo. Khuasik kha a in bak in in a si ko. Thih khawh tuk khi a si.

Hi bantuk lio caan ah, "Samaria Mitha" timi zong an chuak ve. Min chim a duhlomi pa pakhat nih,  minung 70-100 karlak caah, hotel a hlan piak hna. Homeless ca ah "Paradise" bantuk a si. A sunglawi tuk. Chawva hna hi vancung kaipi ding pia khat hmanh a um lo. Inn ngeilo minung 70 ca i hotel hlan piakmi tangka tu khi, Jesuh mit ahcun "vancung ah chaw khawn" a rak si ko. Krihfa caah ruah ding tampi a um. Kan chawva hi khawidah kan khawn tawn? Vawlei ah maw? Vancung ah dah timi khi a ka ruahter ngai. Samaria Mitha pa bantuk hi, vawleicung ah kan herh chin lengmang ko.

Chicago khualai "homeless camp."  An caah hihi inn tha bik an si ko.

A kih tuk caah, tutan Polar Vortex thli kik ruang ah minung 21 an thi cang. Chicago ah minung 50 cu, khuasik nih an kutke a tam hna sizung ah an chiah hna. A cheu cu an hmur a bul lai ti a si. A tam deuh cu innlo ngeilo an si. Nunnak hi an caah a fawi lo.

 Chicago cu a kih tuk ah degree (-23-25) an si i, thlikik hi degree (-52 F) a phan. Minung thi a khal kho i, thihri a pit kho. Minung vunhawng hi (-25 F) tang ah hin minute 15 chung ah a khal ko ti a si. Vunhawng a khal ahcun vun thih khawh a si. Kutke a zeng kho. Ruh zong a fak kho. Illinois chaklei hmunhma cheukhat cu (-57 degrees) tiang a kik. Cucu Vawlei a chaklei le thlanglei par tluk in a kik i, Russia ram Siberia le Mount Everest Tlangpar tluk in a kik. Minung nih tuar khawh ding a si lo. Cu bantuk kihnak zong ah "lawinak inn an ngeih lo caah, an buk tete ahcun an um ko hna." 

Ihkhun dang a um ti lo ahcun hihi ihnak tha bik a si

Cucaah Chicago khua cozah nih inn ngeilo umnak inn paruk an on piak hna i, suimilam 24 chung  an zohkhenh hna. Khualum deuh cun an kalter than te hna lai. Homeless kong hi cozah zong nih an ti kho bak lo. Cozah zong nih an harsatnak le buaibainak cu a tliantlaiter kho lo. Volunteer zong tampi rian an tuan. 

Minung ciocio si zong ah, sifak santlai lo le homeless hna hi, zaangfak tuk an rak si. "Inn ngeilo" (homeless) an sinak a ruang hi tampi a um ko lai. Zudin saei, drug tongh ruang le firtlei ruang le chimh ngaih lo ruang zong ah a phunphun a um ko lai. 

A cheu cu cozah duhlomi sualnak an tuah ruang zong a si ko lai. Chungkhar ah tlum lo in, dawt an i hlawh lo ruang zong a si ko lai. Thathut ruang le zia thatlo ruang zong ah a si ko lai. Thil pakhatkhat ruangah inn ngeilo an sinak zong a si ko lai. Nulepa nih an hlonh hna ruang zong ah a si ko lai. Inn ngeilo an sinak a ruang cu tampi a um ko lai nain, zei bantuk hmanh va si hna sehlaw, "Minung cu minung an si ko. Homeless si hi an mah saduhthah le duh tukmi le hammi cu a si theng lo men ko lai."

Lamcung hawhra lak ah Chicago homeless

Zei bantuk an si zong ah saram an si lo. Nangmah le keimah bantuk te an si. Fah an thei. Temtuar an thei. Mitkuh an thiam i, mitkuh thaw in ih an duh ve. Rawltam tihal an thei. Lungfah an thei. Ngaihchiat an thei. Ningzah an thei. Nilin an thei. Ruahsur le cindam an thei. Nunnak ruah ah tihnak le phannak an ngei ve. Thih zong an tih ve i, nun an duh ve. Nangmah le keimah bantuk in khuacaan nuamh zong an thei i, a tu bantuk thihri zong a cawnter khotu khuasik "Polar Vortex" zong an theih ve. An tih ve. Asinain an nih cu dornak le zamnak an ngei lo. Lumternak an ngei ve lo. 

Cu bantuk minung hna caahcun "Nun hi sullam zeidah a va lawh hnga? An chuahchan zeidah a si hnga?"  Nang le kei innchung kan um hmanh ah kan khua a sik kan ti va si kaw? Motor in kan kal hmanh ah kan khua a sik kan ti va si kaw, khi inn ngeilo titsa le vunhawng khi zei tluk in dah an va tuar hnga? 

Khi tluk khua a sih lio caan ah khin, zeidah an ruah ve hnga? Nulepa le chungkhar cu an ruat ve tawn ko hna hnga lo maw? Ulenau zong an ngai ve tawn ko hna hnga lo maw? Nulepa sin an um lio hna an ngai ve ko hnga lo maw? Chungkhar nuam chialmal tein an tlawnlen lio le lente celh lio hna an ngai ve ko hnga lo maw? A cheu cu Krihfa an rak si ve i, an ngakchiat lio hawi he pumh lio hna an thei ve tawn ko hnga lo maw?  Innlo ngeilo an si hnu cu, an nih cu hawikom zong an ngei ti lo. An hawikom thabik cu an caah zumh tlak in a nung zungzalmi "uico" te hna rak si. Hnemtu dang an ngei lo. An hawi tha cu an uico a si ko.

Uico hi homeless caah zumhtlak hawi a si (Rf. quinncreactive.com)

Nihin ni ah vawleicung pumpi ah innlo ngeilo an karh. U.S zongah an karh chin lengmang. Homeless vialte cu kan bawm kho fawn hna lai lo. Asinain kan mah miphun le Krihfabu cio tal ahcun innlo ngeilo um sual lo ding hi tlacam le zuam cio a herh. Homeless zohkhenhtu bu hna ah $10 le $20 cio tein tel ve i, pumpak missions tuan hi kan herh taktak ko. Cucu Krihfa kan rian zong a si. Jesuh cawnpiakmi zong a si.

Innlo ngeilomi hna kong hi, ruahlo awk a tha lo. An thathut ruang le ziaza ruang zong ah a si men ko lai. Zei kong paoh va si sehlaw, innlo ngeilo an si. Hihi pumpak in tuah ding ahcun a fawi lo. A bu riantuannak ah tel a haumi tu a si. Laimi zong hmailei ahcun hihi piahtana nganpi a si te kho men. Nihin ni ah Zophei Baptist Church nih a zudingmi  zohkhenhnak an tuahmi te hna hi, thil tha taktak a si. Laimi zong hmailei ahcun innlo ngeilo kan um lai lo ti khawh a si lo. Va um sual ahcun, miphun ningpi in tan le zohkhenhnak ah i bawmh hau ding kan si. 

Homeless kong hi biaknak le thlarau lei thil zong a si caaah, Jesuh zummi dihlak nih hmaithlak dingmi rian pakhat a si. Nang le kei zong kan thi ve te lai. Cu tikah, Bawipa Jesuh Krih nih vawlei i kan nun lio ah, sifak santlai lo, mi zaw mifak hna, khual hna, thawngthla hna caah, zei dah kan tuah timi hawih in kan Credit a kan chek ve te lai timi kha Matthew 25:31-46 ah kan hmuh. 

"Ka rawl a tam ah rawl nan ka pe lo; ka ti a hal ah ti nan ka pe duh lo; khual ka si ah nan ka tlunter duh lo; puan aih awk ka ngeihlo ah puan nan ka pe duh lo; ka zawt i nan ka zohkhenh lo...thawng ka tla i nan ka leng lo..Mi sifak hramh nan duh hna lo paoh ah khan nan ka hramh lo a si...

Pathian nih a chapte ding tam tuk a um. Cu lak ahcun, "Khuasik lak ah innlo ngeilo in ka um. Polar Vortex tangah temtuar taktak in ka um nain, nan ka hram lo.." timi hi a si te lai.  Cucu vancung Pathian hmai i biacaihnak ni ah, biacaihnak ah kan credit chek te nak ding a si. Cu ni ah nang le kei kan credit zeidah a lawh te lai?  

Zumtu caah ruah dingmi a biapi cu hihi a si. "Khi tluk a kikmi hawhra lak ah innlo ngeilo in temtuarnak phun zakip a tuarmi hna na hmuh tik hna ah, an hmai ah Jesuh na cuanter kho maw?"  Cucu na cuanter khawh ahcun an caah thlacam piak ve hna law chawva zong hlut khawh rak zuam ve te. 

Jesuh hmai na hmu kho maw?

------------------------------------------------

Chinchiah:

1. National Coalition for the Homeless hi USA ah Homeless an umlonak ding caah riantuanmi an si. An i tinhmi cu "Building a movement to end the homelessness" timi a si. Hi website ah hin online in hlut khawh a si ve. https://nationalhomeless.org/